बैंकका प्रवन्धक देवेन्द्र के.सी.ले शिक्षक रवि प्रसाद कुर्मीलाई औषधी उपचार खर्च वापतको चेक रकम हस्तान्तरण गर्दै

साझा न्यूज । तौलिहवा (कपिलवस्तु)

माछापुछ«े बैंकमा तलबी खाता होल्डरलाई बैंकले प्रवाह गर्दै आएको बीमा सेवा तथा औषधी उपचार योजना तलबी कर्मचारीहरुका लागि आकर्षित बन्दै गएको छ । बैंकमा शुन्य मौज्दातमा तलबी खाता खोलाएका ग्राहकहरुका लागि बैंकले १४ लाख १० हजार रुपैया बराबरको वीमा तथा स्वास्थ्य उपचार सेवा प्रवाहको योजना संचालन गरेको छ ।

पछिल्ला दिनहरुमा माछापुछ«े बैंकमा शुन्य मौज्दातको तलबी खाता खोलेर बैंकबाट तलबी कर्मचारीहरुले बीमा तथा औषधी उपचार योजनाबाट धमाधम सेवा प्राप्त गरिरहेका छन् ।

कपिलवस्तु नगरपालिका वडा नं. ५ स्थित महादेव आधारभूत विद्यालय दलदलाहाका शिक्षक रवि प्रकाश कुर्मीलाई बैंकले ३६ हजार ७ सय ६ रुपैया एपेन्डिक्सको अपरेशन गर्दा लागेको खर्च रकम चेक भुक्तानी गरेको बैंकका प्रवन्धक देवेन्द्र के.सी.ले बताए । माछापुछ«े बैंकमा तलबी खाता रहेका निजी, सरकारी तथा अर्ध सरकारी कार्यालय एवं संघ संस्थाका कर्मचारीहरुले कुनै पनि रोग लाग्दा औषधी उपचारका लागि बैंकबाट खर्च रकम पाउने व्यवस्था छ ।

यस योजनाबाट तौलिहवा शाखा अन्र्तगत मात्रै २५ जना बढी तलबी खाता संचालकहरुले सेवा पाई सकेको वैंकका प्रवन्धक के.सी.ले बताए । बीमा तथा स्वास्थ्य उपचार योजना अन्र्तगत बैंकले तलबी खाता संचालकहरुलाई १० लाख रुपैया बराबरको दुर्घटना वीमा, ३ लाख रुपैया बराबरको ठुला तथा जटिल प्रकृतिका रोगको उपचार खर्च, १ लाख रुपैया बराबरको अस्पतालमा नियमित उपचार खर्च र १० हजार रुपैया बराबरको औषधी खरिदका लागि रकम प्रदान गर्नेछ ।

बचत संकलन र कर्जा लगानीका अलाबा बैंकले आफ्ना ग्राहकहरुका लागि ल्याएको दुर्घटना विमा र औषधी उपचार खर्चको यो योजनाबाट बैंकमा तलबी खाता होल्डरहरुको आकर्षण बढ्दै गएको छ । बैंकमा शुन्य मौज्दातको तलबी खाता संचालन गरेकै भरमा बैंकबाट औषधी उपचारका लागि सहयोग रकम प्राप्त गर्दा आफु निकै खुशी भएको शिक्षक कुर्मीले बताए ।

यसका साथै बैंकले एटीएम सेवा, ईन्टरनेट बैंकिंग सेवा, सहज ढंगबाट कर्जा प्रवाह र आकर्षक ब्याजदरको निक्षेप सेवा लगायतका सेवाहरु प्रदान गर्दै आएको प्रवन्धक के.सी.ले बताए ।

११ माघ २०७७, आईतवार ००:२१ मा प्रकाशित