प्रधानमन्त्री ओली झापामा

sajha
प्रकाशित मिति: १६ फाल्गुन २०७७, आईतवार १३:३३

चीन-नेपाल मैत्री औद्योगिक पार्कको शिलान्यासलगायत विभिन्न कार्यक्रममा सहभागी हुन प्रधानमन्त्री केपी शर्मा ओली झापामा गृहजिल्ला झापा पुगेका छन् । यती एयरलायन्सको पहिलो उडानबाट आज भद्रपुर अवतरण गरेपछि प्रदेश नं १ का प्रदेश प्रमुख सोमनाथ अधिकारी प्यासी, प्रदेश नं ३ का प्रदेश प्रमुख विष्णु प्रसाईं, भौतिक पूर्वाधार तथा यातायातमन्त्री वसन्तकुमार नेम्वाङ, सङ्घीय तथा प्रदेश सांसद, नेकपाका केन्द्रीय नेतासहित सयौँ कार्यकर्ताले प्रधानमन्त्री ओलीको स्वागत गरेकाा थिए ।

प्रधानमन्त्री ओलीले आज पहिलो कार्यक्रमका रूपमा कमल गाउँपालिकाको तोपगाछी क्याम्पबाट धरमपुर-मङ्गलबारे जोड्ने कमल खोलाको पक्की पुलको उद्घाटन गगर्नुकाा साथै दिउँसो दमक नगरपालिका–१० मा रहेको मावा खोलाको पुल उद्घाटन र बहुचर्चित नेपाल–चीन मैत्री औद्योगिक पार्कको शिलान्यास गर्ने कार्यक्रम रहेको प्रधानमन्त्रीका सचिवालय सदस्य होमबहादुर थापाले जानकारी दिए ।

त्यसपछि प्रधानमन्त्री ओलीले इलामको चुलाचुली जोड्ने रतुवा पुलको उद्घाटन र मदन भण्डारी लोकमार्गका ३१ पुलको एकैचोटी शिलान्यास गर्ने कार्यक्रम रहेको थापाले बताए । झापाको कार्यक्रम सकेर प्रधानमन्त्री ओली आजै साँझ काठमाडौं फर्किने कार्यक्रम छ ।


१६ फाल्गुन २०७७, आईतवार १३:३३ मा प्रकाशित

 

Loading…