जनताको साथ म सँग छ, झुसे बारुलाहरुले फुर्ती नलगाए हुन्छ : प्रधानमन्त्री विप्लवसँग छिट्टैवार्ता हुँदैछ, त्यो खुसीको खबर छिट्टै आउनेछ

sajha
प्रकाशित मिति: १६ फाल्गुन २०७७, आईतवार १७:४२

झापा । प्रधानमन्त्री प्रधानमन्त्री केपी शर्मा ओलीले नेत्रविक्रम चन्द विप्लव नेतृत्वको नेपाल कम्युनिष्ट पार्टीसंग चाँडै वार्ता गरिने बताउनुभएको छ ।

झापाको दमक नगरपालिका, गौरादह नगरपालिका तथा कमल गाउँपालिकाका क्षेत्रमा बन्ने चाइना नेपाल फ्रेन्डसीप इन्डस्ट्रियल पार्कको शिलान्यास कार्यक्रममा बोल्दै प्रधानमन्त्री ओलीले उक्त पार्टीसंगको वार्ता निष्कर्ष पुर्याएरै छाड्ने बताउनुभयो ।उहाँले भन्नुभयो, ‘त्यो खुशीको खबर छिट्टै पाउनु हुनेछ।’

कार्यक्रममा बोल्नुहुँदै प्रधानमन्त्री ओलीले आफु लामो संघर्ष र दुःख कष्ट सहदै आएको नेता भएको भन्दै कसैले फुर्ती नलगाए हुने बताउनुभयो । ‘लोकतन्त्रका लागि हामी लडेर आएका हौं । संघर्ष गरेरै आएका हौं । संघर्ष हाम्रो जीवन हो, झुँसे बारुलाहरुले फुर्ती नलगाए हुन्छ ।’

आफुले गल्ती नगरेपनि पटक पटक मुद्दा हारेको बताउँदै प्रधानमन्त्री ओलीले आफु जनताको मतले प्रधानमन्त्री भएको बताउनुभयो । जबसम्म मेरो टाउकामाथि जनताको हात र साथ हुन्छ तबसम्म म प्रधानमन्त्री हुन्छु, मुद्दा जितेर म प्रधानमन्त्री बनेको हैन ।

प्रतिनीधिसभा पुर्नस्थापना भएपछि प्रचण्ड र माधव नेपाल विभिन्न पार्टी चाहार्दै हिडेको प्रधानमन्त्री बताउँदै  प्रधनमन्त्री बन्देउ भन्दै हिडेको बताउँदै प्रधानमन्त्री ओलीले आफुलाई हटाएर देखाउन चुनौती दिनुभयो ।  ‘नन्दी भिरिङ्गी मिलेर सरकार बनाउ, केपीओलीलाई हटाई नत्र त्यस्ले त्यसको विकास गर्छ भनेर पो हिड्दैछन् ।’प्रधानमन्त्रीको भनाई थियो । 

सरकार बनाउन अन्य पार्टीकोमा जाँदा प्रचण्ड र माधवलाई तपाईहरुको पार्टी कुन हो भन्ने प्रश्नको उत्तर समेत नभएको भन्दै प्रधानमन्त्री ओलीले भन्नुभयो ‘संसद  पुर्नस्थापना त भयो,संसदीय दलको नेता केपी ओली, पार्टीको अध्यक्ष केपी, प्रधानमन्त्री ओली नै , सक्छन् भने अविश्वासको अविश्वासको प्रस्ताव राखेर हटाएर देखाउन्  । ‘अविश्वासको प्रस्ताव राख्नुहोस्, मत राख्न राख्नुस् हटाएर देखाउनुस्,हटेछु भने जनतासँग गएर दुई तिहाई ल्याएर आउछु ।’ प्रधानमन्त्रीको भनाई थियो ।

प्रधानमन्त्री ओलीले करिब ६४ अर्ब रुपैयाँ लगानीमा बन्ने भनिएको ‘चाइना–नेपाल फ्रेन्डसीप इन्डस्ट्रियल पार्क’को शिलान्यास गर्नुभयो ।

प्रधानमन्त्री ओलीले दमक र चुलाचुली जोड्ने रतुवा नदीमा मदन भण्डारी मार्गमा पर्ने पुलको शिलान्याससमेत गर्नुभएको छ ।

मदन भण्डारी मार्ग धरान पूर्व सेक्टर अन्तर्गत पर्ने ३१ वटा पुलको एकैपटक उहाँले शिलान्यास गर्नुभएको हो ।

१ बाट चुलाचुली जोड्ने रतुवा नदीमा निर्मित पुल, दमक ४ बाट उर्लाबारीको आमबारी जोड्ने मावा पुल, दमक १० बाट बालुवथान जोड्ने रतुवामा निर्मित पुलको उद्घाटन पनि प्रधानमन्त्री ओलीले गर्नुभएको छ ।


१६ फाल्गुन २०७७, आईतवार १७:४२ मा प्रकाशित

 

Loading…