काठमाडौं। अभिनेत्री मनीषा कोइराला र पूर्वयुवराज्ञी हिमानी शाहबीच भेटघाट भएको छ। मनीषाले सामाजिक सञ्जालमा हिमानीसँगको भेटघाटको तस्वीर सार्वजनिक गरेकी हुन् ।
मनीषाले तस्वीरको क्याप्सनमा ‘विश्वलाई सशक्त महिलाहरूको खाँचो छ, जसले अरूलाई अगाडि बढ्न र बनाउन मद्दत गर्छन् । जसले अरूलाई माया गर्न र अरूबाट माया पाउन सक्छन् । महिला जसमा नम्रता र उग्रता दुवै क्षमता हुन्छन्’ भन्दै एमी टेनीको भनाईमा लेखेकी छन् ।
मनीषाले भेटघाटमा के विषयमा छलफल भयो भन्ने केही खुलाएकी छैनन् । यद्यपि मनीषा पछिल्लोपटक राजनीतिमा आउन लागेको खबरले सबैलाई चासोको विषय बनेको थियो । पूर्व युवराज्ञी हिमानी पछिल्ला वर्षहरुमा हिमानी ट्रस्टमार्फत सामाजिक काममा सक्रिय छिन् ।
उनीहरुबिच राजधानीको महाराजगञ्जमा भेटघाट भएको हो ।
