निर्माणाधीन घरको छतबाट खसेर नेपाल वायुसेवा निगमका पूर्वअध्यक्ष रामाज्ञाप्रसाद चतुर्वेदीको मृत्यु भएको छ । काठमाडौको बुलबुलेमा उक्त घटना भएको प्रहरीले जनाएको छ ।
प्रहरीका अनुसार चतुर्वेदीको आज (२१ असोज) बिहान ९ बजे शव फेला परेको हो । सिसिटीभी फुटेज हेर्दा चतुर्वेदीले चार तलामाथिबाट आत्महत्या गरेको हुन सक्ने प्रहरीले अनुमान गरेको छ । काठमाडौं प्रहरी प्रमुख एसएसपी अशोक सिंहका अनुसार चतुर्वेदी डिप्रेसनको बिरामी भएको पाइएको छ ।
चतुर्वेदी अकुत भष्ट्राचार मुद्धामा २०६८ सालमा दोषी ठहर भएर कैदसमेत बसेका थिए ।
