कपिलवस्तुमा १६ औ चरणको हात्तीपाईले महाअभियान सुरु

कपिलवस्तु १६ बैशाख
कपिलवस्तुमा आईतवार देखि १६ औ चरणको हात्तीपाईले बिरुद्ध महा अभियान सुरु गरिएको छ । यस वर्ष एकपटक, अन्तिमपटक’ नाराका साथ सञ्चालित अभियान संचालन गरिएको हो ।
स्वास्थ्य कार्यालय र कपिलवस्तु नगरपालिकाको संयुक्त आयोजनामा तौलिहवामा राष्ट्रिय हात्तीपाईले रोग निवारण कार्यक्रम अन्र्गत आम औषधी सेवन समुदघाटन शुभारम्भ कार्यक्रममा लुम्बिनी प्रदेश स्वास्थ्य मन्त्री दिपेन्द्र कुमार पुनले पानसमा दिप प्ज्जवलन पछि हात्तीपाईले बिरुद्धको औषधी सेवन गरी अभियानको सुभारम्भ गरेका हुन ।
कार्यक्रममा प्रदेश सदस्य सुधाकर पाण्डेय, जिल्ला समन्वय प्रमुख बावुराम आचार्य कपिलवस्तु नगरपालिकाका मेयर सुदीप पौडेल जिल्ला समन्वय उप प्रमुख रमेश कुर्मी, स्वास्थ्य तथा जनसंख्या मन्त्रालयका सचिव डाक्टर जर्नादन पन्थी, संघीय स्वास्थ्य तथा जन संख्या मन्त्रालयका अतिरिक्त सचिव दिपेन्द्र सिंह सहीतको टोलीले हात्तीपाईले बिरुद्धको औषधी सेवन गरेका थिए ।
सो अवसरमा मन्त्री पु्नले कपिलवस्तुमा हात्तीपाईले बिरुद्धको यो अभियानलाई जसरी पनि सफल बनाउनु पर्ने बताए । उनले सबै मिलेर कपिलवस्तु सहीत नेपालबाटै हात्तीपाईलेलाई निवारण गर्नु पर्ने बताए । उनले सबैले औषधी सेवन गर्नु पर्ने बताए ।
कपिलवस्तुमा २ बर्षमाथीका ६ लाख ६५ हजार ६०५ जनालाई औषधी खुवाउने योजना रहेको स्वास्थ्य कार्यालयका प्रमुख नारायण प्रसाद चौधरीले बताए । जिल्लाका १० वटै पालिकामा जन प्रतिनिधिको अगुवाईमा आईतावार देखि आम औषधी सेवन अभियानको सुभारम्भ गरिएको उनले बताए । उनले हात्तीपाईले बिरुद्धको यो अभियान अन्तिम पटक हुने गरी कार्यक्रम संचालन गरिएको बताए । २०६४ साल देखि जिल्लामा हात्तीपाईले बिरुद्धको अभियान संचालन हुदै आएको छ । तर नमुना परिक्षणकाक्रममा हरेक बर्ष असफल हुदै आएकोले अभियान समेत निरन्तर चल्दै आएको छ ।
हात्तीपाईले बिरुद्धको औषधी पुर्णतया सुरक्षित रहेकोले ढुक्कसंग सेवन गर्न कपिलवस्तु अस्पतालका मेसु डाक्टर बिपिन जैसवलाले अपील गरेका छन । २ बर्ष मुनी, आशक्त, गर्भवति महिला बाहेककाले यो औषधी सेवन गर्न सक्ने उनले बताए ।
जिल्ला समन्वय प्रमुम आचार्यले शिक्षक जन प्रतिनिधि, डाक्टर लगायतका बुद्धिजीवीहरुले नै औषधी सेवन नगर्दा कपिलवस्तुमा हाल सम्म हात्तीपाईले निवारण हुन नसकेको बताए । कागजमा औषधी खाएको देखिाइएको पोका पारेर राख्ने चलनले गर्दा समस्य निम्त्याएको उनले बताए । कार्यक्रममा प्रदेश सदस्य पाण्डेय, मेयर पौडेलले हात्तीपाईलेलाई जिल्लाबाट निवारण गर्न सबैले औषधी सेवन गर्नु पर्ने बताए ।
आम औषधी सेवनकालागि जिल्लाभर महिला स्वयमसेविका सहीत ७ सय जना स्वास्थ्यकर्मी परिचालन भएको स्वास्थ्य कार्यालयका फोकल पर्सन उदयचन्द्र चौरसियाले बताए । जिल्लामा २ हजार ७२७ जना हात्तीपाईले रोगी फेला परेका छन । हात्तीपाइले रोग नियन्त्रणका लागि कपिलवस्तु सहीत झापा धनुषा, सर्लाही, महोत्तरी, रौतहट, रसुवा र अभियान सञ्चालन भएको हो ।
७ जिल्लाका ५१ लाख लाई औषधी खुवाउने लक्ष्य छ । डाक्टर अनुसार हात्तीपाइले रोग लामखुट्टेको टोकाइबाट एक व्यक्तिबाट अर्कोमा सर्ने एक प्रकारको सङ्क्रामक रोग हो। मसिनो धागो आकारको जुकाजस्तै परजीवीको सङ्क्रमणले यस्तो रोग लाग्छ। सङ्क्रमण भएको आठदेखि १३ महिनामा मात्र रोगका लक्षण देखा पर्छ । यो रोग लागेकाको खुट्टा, अण्डकोष र स्तन सुन्निन्छ ।