–नारद कोहार, कपिलबस्तु
विजयनगर गाँउपालिकाको सामग्र विकासका लागि योजना बनाएर काम गरिरहेको अध्यक्ष थापाले बताए । गाँउपालिकाले आ.व.०७७/०७८ को समक्षिा तथा ०७८÷७९ को पत्रकारहरु संग राय सुझाव कार्यक्रममा उनले सो कुरा बताउनु भएको छ ।
गाउँपालिकाले प्रत्येक बर्ष संचारका लागी बजेट विनियोजन गर्दै जिल्लाका संचार माध्यमलाई सम्बोधन गर्दै आएको गाउँपालिका अध्यक्ष गोपाल थापाले बताए । अध्यक्ष थापाले गाउँपालिकको समग्र विकासमा संचार क्षेत्रको अहम भूमिका रहेको जनाउदै ,संचार माध्यमले खेलेको सकारात्मक भूमिकाले गाउँपालिकामा सुशासन पार्दर्शिता र जवाफदेहिता रहेको बताए ।
कार्यक्रममा अध्यक्ष थापाले गाउँपालिकाको समग्र विकासका लागी सबै जनप्रतिनिधी लागि परेको बताए । मानव सुचाङकमा निकै तल रहेको गाउँपालिकामा शिक्षा, सवास्थ्य, खानेपानी, समाजिक क्षेत्रमा र युवाहरुका लागि विभिन्न सिपमूलक तालिमहरु हरेक बर्ष संचालन गर्दै आइरहेको बताए ।
छात्राहरुले कक्षा छाड्ने दर धेरै रहेकोले सो दर घटाउन छात्राहरुलाई शिक्षामा विशेष प्रोत्साहन गर्न कक्षा ६ मा पढ्ने छात्रालाई १ बर्षलाई पुग्ने शैक्षिक सामाग्री वितरण गरिएको, कक्षा ९ ,१० र ११ मा पढ्ने छात्राहरुलाई साइकल वितरण गरिएको थापाले बताए । मुस्लिम छात्राहरुको शिक्षामा पनि गाउँपालिकाले विशेष जोड दिएको अध्यक्ष थापाले बताए । मुस्लिम छात्राहरुका लागि १ करोडको लागतमा गल्र्स होस्टेल निर्माण गरिएको उहाँले बताए ।
हिलो र धुलो रहित गाउँपालिका सडक निर्माणका काम भइरहेको नदिहरुमा झुलुङे पुल निर्माण भइसकेको थापाले बताए । कोरोना नियन्त्रण र रोकथाममा गाउँपालिकाले हरेक गाउँमा शिक्षकहरुलाई खटाई स्वास्थ्य सुरक्षा सम्बन्धि जनचेतना फैलाउने काम भएको बताए । गाउँपालिकामा २ वटा बर्थिङ सेन्टर संचालनमा रहेको १ वटा निर्माण सम्पन्न भइ संचालनको चरणमा रहेको अध्यक्ष थापाले जानकारी दिए ।
सोही क्रममा जनता संग प्रत्यक्ष सरोकार राख्ने र आम नागरिकको आर्थिक उन्नतीमा प्रभाव पार्ने खालका योजना र कार्यक्रम संचालन गर्नु पर्ने नेपाल पत्रकार महासंग लुम्बिनी प्रदेश सदस्य चिन्ता परियारले बताए । सामुदायिक रेडियो प्रसारक संघ लुम्बिनी प्रदेश अध्यक्ष राजु खरालले गाउँपालिकाले सुरु गरेर अधुरै रहेका कामहरु पुरा गर्नु पर्ने बताए । गाउँपालिकाले संचार निति बनाएर संचार क्षेत्रको विकासमा नयाँ आयाम थप्नु पर्ने उनले बताए ।
नेपाल पत्रकार महासंघ कपिलवस्तु शाखा अध्यक्ष किरणमान बज्राचार्यले विकट गाउँपालिका सुगम बन्दै गइरहेको बताउनु भयो । गाउँपालिकाले पर्यटन प्रर्वद्धनका लागी विशेष जोड दिनु पर्ने जवाबैराठमा निर्माणाधिन रहेको होमस्टे संचालनमा जोड दिनु पर्ने नेपाल पत्रकार महासंघ कपिलबस्तुका अध्यक्ष किरणमान बज्राचार्यले बताए । संचार कर्मी र संचारगृहको प्रर्वद्धनका लागि अहिलेको बजेट फरक खालको कार्यक्रम ल्याउनु पर्ने जिल्लाका सबै संचारगृह अटाउने बजेट ल्याउन आग्रह उनले आग्रह गरे ।
गाउँपालिकाको समग्र विकासका लागी के कस्ता कार्यक्रम संचालन गर्दा प्रभावकारी हुन्छ भन्ने विषयमा गाउँपालिकाले पत्रकार संग सुझाव लिएको हो । सधै केहि फरक गर्ने विजयनगर गाउँपालिकाले जिल्लामा पहिलो पटक पत्रकार संग राय सुझाव संकलन गरेको छ ।
गाउँपालिकाको सभाहलमा स्वास्थ्य सुरक्षा मापदण्ड अपनाउदै सम्पन्न राय सुझाव संकलन कार्यक्रममा पत्रकार विभिन्न संचार गृहका प्रमुख एवम् प्रतिनिधि लगायतले गाउँपालिकालाई सुझाव दिएका थिए ।
