साझा न्यूज । मर्यादपुर (कपिलवस्तु)
सिद्धार्थ बैंकले कोभिड संक्रमण विरुद्ध स्थानीय तहका नागरिकहरुलाई स्वास्थ्य सुरक्षा प्रदान गर्न केही सहज होस् भन्नका लागि जिल्लाको यशोधरा गाउंपालिकालाई २ लाख रुपैया सहयोग गरेको छ ।
गाउंपालिकाको कार्यालय बैदौलीमा सिद्धार्थ बैंक मर्यादपुर शाखाका प्रवन्धक नवराज सुवेदीले गाउंपालिकाका प्रमुख गिरिजेश कुमार पाण्डेयलाई २ लाख रुपैयाको चेक हस्तान्तरण गर्नु भएको हो ।
बैंकले सामाजिक दायित्व वहन अन्र्तगत विभिन्न जिल्लाका स्थानीय तह तथा अन्य विभिन्न क्षेत्रमा यस प्रकारको सहयोग गरेको बैंकका प्रवन्धक नवराज सुवेदीले बताए । यशोधरा गाउंपालिकामा पहिलो वित्तिय संस्थाको रुपमा सेवा प्रवाह गर्दै आएको सिद्धार्थ बैंक प्रति गाउंपालिका र गाउंपालिकाका आम सर्वसाधारणहरुले आधुनिक वैंकिंग सुविधा सहितका सेवाहरु पाएका छन् ।
बैंकबाट भएको प्राप्त यो सहयोग रकम कोरोना महामारी विरुद्धको कार्यमा पूर्ण सदुपयोग हुने गरी खर्च गरिने गाउंपालिकाका प्रमुख पाण्डेयले बताए । बैंकबाट हुने यस प्रकारका सामाजिक दायित्वका काम प्रति गाउंपालिका परिवार आभारी भएको छ, उनले भने ।
रकम हस्तान्तरण कार्यक्रममा गाउंपालिकाका प्रमुख प्रशासकीय अधिकृत तेज बहादुर सिंक, उपप्रमुख कन्यावती उपाध्याय, शाखा अधिकृत रेशम शर्मा लगायतको उपस्थिति रहेको थियो ।
