नारद कोहार
कपिलबस्तु, असार ९
कृष्णनगर क्षेत्रको विकासका लागि सबै एक जुट भएर लाग्नु पर्ने लुम्बिनी प्रदेश भौतिक योजना तथा पुर्वाधार मन्त्री सन्तोष पाण्डेले बताउनु भएको छ । मन्त्री पाण्डेले कृष्णनगर नगरपालिका वडा नं. १ मा पर्ने शिवानगर छितौनी जोड्ने पुलको उद्धघाटन गर्दै सो कुरा बताउनु भएको छ ।
आउने दिनमा सामग्र लुम्बिनी प्रदेशलाई पर्यटकिय क्षेत्रको रुपमा पहिचान गराउने उनले बताए । मन्त्री पाण्डेले भने ‘यस्तो कठिन प्रस्थितिमा धेरै ठाँउमा निर्माण कार्याहरु रोकिएको भए पनि यहा पुल निर्माण कार्य सम्पन्न गरेकोमा म धन्यबाद दिन चाहन्छु ।’
पुलको उद्घाटन गर्दे मन्त्री पाण्डेले शिवानगर छितौनी जोड्ने सडकको निर्माण छिटै सम्पन्न हुने उनले बताए । तपाई हरुको रकम सरकार संगै रहेकोले तपाईहरुको रकम व्याज सहित फिर्ता गर्ने मन्त्री पाण्डेले बताए । उक्त सडक बनाउन मन्त्री पाण्डेले प्रतिबद्धता समेत गरेका छन् ।
कृष्णनगरमा सिचाईको लागि पनि बजेट विनियोजन गर्ने उनले बताए । सिचाईको लागि मर्चवारका सथै कृष्णनगर पनि मेरो पहिलो प्राथमिकता रहेको मन्त्री पाण्डेले बताए ।
कृष्णनगर नगरपालिकाका नगर प्रमुख रजत प्रताप शाहले पानी परेपछि छितौनी बासीलाई धेरै समस्या भोग्नु परेको बताए । हाम्रो नगरपालिका भित्र जुन पछि परेको वडा गाँउ रहेको थियो त्यसको विकास गर्न मेरो पहिलो प्राथमिकता रहेको उनले बताए ।
विकासको काममा सडक पुलको आहम भुमिका रहेको नगर प्रमुख शाहले बताए । उक्त पुल नगरपालिकाको ३ करोड लगातमा निर्माण गरिएको उनले बताए ।
कार्यक्रममा सामाजसेवि शैलेश प्रताप शाह, प्रमुख प्रशासकिय अधिकृत विजय कुमार कार्की, बडाध्यक्ष, कार्यपालिका सदस्य लगायतको सहभागिता रहेको थियो ।
