–प्रिन्स मिश्रा, कपिलवस्तु
केही दिन पहिला लुकाई राखेको अवस्थामा प्रहरीले अवैध जंगलको काठ बरामद गरेको थियो ।
कपिलवस्तु जिल्लाको विजयनगर गाउँपालिका ७ गेडुवाजोत बगैचामा लुकाएर राखेको अवस्थामा दुई लाख उनन्तीस हजार बराबरको का ६५.४४ कयुफिट काठ प्रहरी चैाकी ठाकुरापुरबाट खटेको टोलीले बरामद गरेको हो । नेपाल-भारत सीमा क्षेत्रमाको जंगलबाट दिनहुँ अवैध कालो शिसम, टिकका काठ तस्करी हुँदै आएको छ ।
नेपाल -भारत सीमा दर्जनौ काठ मिल र फर्निचर उद्योगहरु रहेकोले अवैध काठ जंगलबाट कटान गरि तस्करहरुले दिनहु भित्रियाउने गरेको स्रोतले जनाएको छ । यसरी तस्करी मौलाईरहँदा पनि सम्बन्धीत निकाय मौन रहेको स्थानीयको आरोप छ ।
तस्करहरुले भारतीय जंगलबाट नदीको किनारा हुँदै नेपालका सिमा नजिकका गाउंमा राति काठ गोलीयहरू चोरी निकासी गरेर लुकाउँछन र बिहानै काठ उद्योगहरुसम्म पुर्याउछन ।
जिल्लाको पश्चिम सिमानाको लालपुर, गेडुवाजोत, ठकुरापुर,परशरामपुर घाट लगायतको क्षेत्र हुदै काठ तस्करी भईरहेको स्रोतले जनाएको छ ।
