कपिलवस्तु । मायादेवी गाउंपालिका वडा नंं. ६ मुगहरीमा आफन्तको कुटपीटबाट स्थानीय बलराम कोहार र उनकी पत्नी धर्मावती कोहार घाईते भएका छन् । बाख्राले धानको विउ खान लाग्दा बाख्रा धपाउने क्रममा भएको भनाभन बढ्दै जांदा घटना हिंसात्मक भएको छ ।
आफ्ना दाजु तेजराम कोहार र अन्य आफन्तको कुटपीटबाट आफु र आफ्नी गर्भवती पत्नी चन्द्रावती घाईते भएको बलरामले बताए । घाईते बलरामको टाउकोमा गम्भीर चोट लागेको छ । चार महिनाको गर्भ रहेको उनकी पत्नी धर्मावती कोहार माथि पनि कुटपीट भए पछि उनी घाईते भएकी छिन् ।
कुटपीटका कारण धर्मावतीको हात भांचिएको छ, टाउको, पेट र खुट्टामा चोट लागे पछि घाईते धर्मावतीको उपचारका लागि भैरहवा स्थित मेडिकल कलेज लगिएको तर १ दिन को उपचार पछि आर्थिक अभावका कारण तौलिहवा स्थित कपिलवस्तु अस्पतालमा ल्याई उपचार भईरहेको उनका पति राजारामले बताए ।
आफु र आफ्नी पत्नी उपर भएको कुटपीटको घटनाको विरुद्धमा राजारामले जिल्ला प्रहरी कार्यालयमा उजुरी दिएका छन् । तर सो उजुरीलाई ठाडो उजुरी शाखा अन्र्तगत प्रहरीले छलफग गरी अघि बढ्ने तयारी गरेको छ ।
आफु र आफ्नो पत्नी माथि ज्यान मार्ने प्रयास गरिएको भन्दै कुटपीटमा संलग्न सवैलाई कानुनी दायरामा ल्याई कडा कारवाही गराउन सहयोग गर्न राजाराम कोहारले जिल्लाका पत्रकारहरु समक्ष अपील गरेका छन् ।
