दाङ सल्यान सडकखण्ड अन्तर्गत तुलसीपुर ३ शिरखोलामा यात्रु बाहक बस दुर्घटना भएको छ । सल्यान देखी बाँकेको नेपालगन्ज तर्फ जादै गरेको रा १ ख २४३९ नम्वरको बस बेलुकी साढे छ बजेतिर दुर्घटना भएको ईलाका प्रहरी कार्यालय तुलसीपुरले जनाएको छ । बस दुर्घटना हुदा दर्जन भन्दा बढी घाईते भएका छन् ।
प्रहरीका अनुसार घाईतेहरुको अवस्था सामान्य र मध्यम रहेको छ । घटनाको विस्तृत विवरण आउन बाँकी रहेको प्रहरी निरीक्षक झलक प्रसाद शर्माले जानकारी दिनुभयो । बस सडक देखी झन्डै ५० मिटर तल खसेर दुर्घटना भएको छ । दुर्घटनाको कारण भने खुलेको छैन ।
