विजयनगरमा १ सय २७ जना ज्येष्ठ नागरिकलाई सम्मान

कपिलबस्तु, असार १७
जिल्लाको विजयनगर गाउँ पालिकामा भित्र रहेका ज्येष्ठ नागरिकहरु मध्ये दलित र अन्य गरी १ सय २७ जनालाई सम्मान गरिएको छ । पालिकाका हरेक वडालाई समावेशीकरण आधारमा लक्षित गरी ज्येष्ठ नागरिकलाई च्यावनप्रास, झुल,छाता र टार्च दिइ सम्मानित गरिएको छ । पालिका अध्यक्ष गोपाल थापा अनुसार यो हरेक बर्ष नियमित रूपमा ज्येष्ठ नागरिकहरु लाई सम्मान गरिदै आइएको छ । प्रत्येक वर्ष फरक फरक लाई सम्मान गरिन्छ। अहिले गरिएको सम्मान कार्यक्रममा आधा दलित र आधा वर्गको ज्येष्ठ नागरिकलाई लक्षित गरिएको थियो ।
कुन कुन ज्येष्ठ नागरिकहरु दिने भनी छनोट गर्ने सम्पूर्ण जिम्मेवारी सम्वन्धित वडाहरु लगाईएको थियो । त्यही अनुरुप एक कार्यक्रम गरी सम्मान गरिएको हो । पालिकाका अध्यक्ष थापा र उपाध्यक्ष लक्ष्मी कुमारी चौधरी द्वारा समान बितरण गरी सम्मान गरिएको छ ।