लक्जमवर्गका प्रधानमन्त्री जेभियर बेटटेलको स्वास्थ्य स्थिति स्थिर देखिएको छ । कोरोनाभाइरसबाट सङ्क्रमित उहाँको स्वास्थ्य स्थिति बिग्रदै गएपछि गत् आइतबार अस्पताल भर्ना गरिएको थियो ।
बीबीसीले लक्जमवर्ग सरकारले उहाँको स्थिति गम्भिर रहेपनि स्थिर भएको जनाएको छ । उहाँ कम्तिमा दुईदेखि चार दिन अस्पतालमा रहनुहुने बताइएको छ । गएको साता उहाँमा सङ्क्रमणको पुष्टि भएको थियो ।
यूरोपेली संघको बैठकमा सहभागी भएर फर्किनुभएका उहाँमा जुन २७ मा सङ्क्रमणको पुष्टि भएको थियो । सीएनएनका अनुसार प्रधानमन्त्री बेट्टेलको स्वास्थ्य अवस्थामा समस्या आएपछि अर्थ मन्त्री पिएरी ग्रेमेग्नालाई हस्ताक्षर गर्ने अधिकारीको रुपमा कार्यभार दिइएको छ ।
४८ वर्षीय बेटटेलले मई छ मा कोभिड १९ बिरुद्धको पहिलो डोज लिनुभएको थियो । करिब छ लाख जनसंख्या रहेको लक्जमवर्ग कोभिड १९ सङ्क्रमितको संख्या समान्य वृद्धि भएको छ ।
