कपिलबस्तु असार ३०
अनौपचारिक क्षेत्र सेवा केन्द्र (इन्सेक) कपिलबस्तुको आयोजनामा नेपाल मानव अधिकार वर्ष पुस्तक २०२२ का लागि जिल्लामा सङ्कलन गरिएका मानव अधिकार उल्लङ्घन र ज्यादतीका घटनाहरूको सरोकारवालाबिच अर्धवार्षिक पूर्व समीक्षा कार्यक्रम कपिलबस्तुको तौलिहवामा सम्पन्न भएको छ ।
कार्यक्रममा इन्सेक जिल्ला प्रतिनिधि पार्बती आचार्यले सन् २०२१ जनवरीदेखि जुन सम्म जिल्लामा सङ्कलित मानव अधिकार उल्लङ्घन र ज्यादतीका घटनाहरू समेटिएको प्रतिवेदन प्रस्तुत गरिन् । जसमा परिवारजन र ब्यक्तीगत रिषईवीबाट हत्या ५ , बलात्कार , बलात्कार प्रयास र यौन दुरब्यवहारका ४४ , मानव बेचबिखन २ , घरेलु हिंसा ८० ओटा गरी ६ महिनाको अवधिमा १ सय ३१ ओटा घटना समेटिएको तथ्याङ्क प्रस्तुत गरेकी थिईन् । प्रमुख जिल्ला अधिकारी चक्रपाणी पाण्डेले ईन्सेकले गर्ने कार्य तथ्य पुरक र आधिकारीक हुने बताए । प्रस्तुत प्रतिबेदन माथी सुझाव दिंदै कोभिड १९ ले शिक्षामा पारेको असरले शिक्षामा भएको हनन प्रति कती दिन बिद्यालय संचालन भए र कती बिद्यालयले भर्चुअल कक्षा संचालन गरेका थिए भन्ने बिषयमा समेत ईन्सेकले तथ्यांकमा समेट्नु पर्ने बताए ।
शव ब्यबस्थापन जिल्लामा नभएको हुँदा कोरोनाबाट ज्यान गुमाएकाको शव ब्यबस्थापनमा कठिनाई भएको समेत जानकारी दिए । मानव अधिकारका बारेमा जिल्ला सचेत भएको जानकारी दिंदै राज्य पक्षबाट मानव अधिकार हनन भएको थाहा पाएमा समयमा नै सुचना दिन आग्रह गर्दै मानव अधिकारका बिषयमा सदैव सचेत रहने र सहकार्य गरेर अगाडी बढ्ने प्रतिबद्धता ब्यक्त गरे ।
