यशोधरा गाँउपालिकाको सातौ गाँउ सभा

ईसाझा न्यूज । संवाददाता
कपिलबस्तु(बैदौली), असार ३१
जिल्लाको यशोधरा गाँउपालिकाको सातौ गाँउ सभा सम्पन्न भएको छ । सातौ गाँउसभाबाट गाउँपालिकाले अगामी आ.व २०७८÷०७९ को बजेट ५२ करोड ८० लाख ८८ हजार बिनियोजन गरेको छ ।
कोरोना माहामारीमा पिडीत भएका परिवारलाई तथा भारतमा काम गर्ने नेपाली मजदुरलाई बिशेष किसिमको योजना ल्याएको छ । त्यस्तै शिक्षा, स्वास्थ्य, खानेपानी तथा सरसफाई, पशु, कृषि प्रवद्र्धनात्मक कार्यक्रम, भौतिक पूर्वाधार बिकास, संस्थागत सहयोग तथा क्षमता बिकास, पर्याटन प्रर्बधन बिकास, धार्मिक तथा सांस्कृतिक धरोहर संरक्षण संवद्र्धन, पुजिगत तथा निरन्तर योजना भुक्तानी र सामाजिक सुरक्षा क्षेत्रमा चालु र पुजिगत बजेट प्रस्तुत गरिएको हो ।
सो कार्यक्रममा संचारकर्मी, जनप्रतिनिधि लगायत राष्ट्र सेवक कर्मचारीलाई सम्मान गरिएको थियो । गाउँपालिकालाई नमूना बनाउन नमूना योग्य काम गर्नुपर्ने यशोधरा गाँउपालिकाका अध्यक्ष गिरिजेश कुमार पाण्डेयले बताए । उनले खुद्रे र मसिना योजनाले गाउँपालिका नमूना बन्न नसक्ने भन्दै योजना छनौटमा बढी ध्यान दिन आग्रह गरे ।
बजेट प्रस्तुत गर्दै गाउँपालिकाले महत्वकांक्षी योजना र लक्ष्यका साथ सम्वृद्धिको अभियानमा रहेको नेपाली कांग्रेसका पुर्व पार्टी सभापति सुधाकर पाण्डेयले बताए । अभियान सफल बनाउन सबै होमिनु पर्ने बताए । जनप्रतिनिधिहरुको साझा सहभागितामा योजनाहरु निर्माण गरिएको भन्दै गाउँपालिकालाई नमूना बनाउने गरि काम गर्न सबैमा आग्रह गरे ।
सो कार्यक्रममा प्रमुख प्रशासकिय अधिकृत तेजबहादुर सिंहले भौतिक पुर्बाधार बिकास निर्माण कामको गुणस्तर सुधारको लागी तिब्र रुपमा अनुगमन गर्नु पर्ने कुरा जोड दिए ।
साझा न्यूजकर्मी तेली सहित २ जना संचारकर्मी सम्मानित

गाँउपालिकाको सातौ गाँउसभाबाट संचार क्षेत्रबाट विकास निर्माण लगायतको क्षेत्रमा योगदान गरेबापत साझा न्यूजकर्मी विजय कुमार तेली र हनुमान पाण्डेलाई सम्मान गरिएको छ । संचारकर्मीद्धाय तेली र पाण्डेलाई प्रमाण पत्र र नगद सहित सम्मान गरिएको हो ।