काठमाडौं । सर्वोच्च अदालत बार एशोसिएशनले पूर्वप्रधानमन्त्री केपी शर्मा ओलीको अभिव्यक्तिप्रति आपत्ति जनाउँदै विज्ञप्ति जारी गरेको छ ।
एमाले अध्यक्ष समेत रहेका ओलीले न्यायलय र न्यायमूर्तिमाथि अशोभनिय अभिव्यक्ति दिएको भन्दै सर्वोच्च बारले आपत्ति जनाएको हो ।
बारले प्रतिनिधिसभा पुनस्थापना गर्ने सर्वोच्चको आदेशविरुद्ध ओली र उनका कार्यकर्ताले गरेको व्यवहारले स्वतन्त्र न्यायपालिकामाथि गम्भीर रुपमा आँच पुगेको बताएको छ ।
ओली र उहाँका कार्यकर्ताले न्यायलयप्रति भ्रम फैलाउने काण्ड मच्चाएको विज्ञप्तिमा उल्लेख गरिएको छ ।
विज्ञप्तिमा भनिएको छ, ‘पूर्व प्रधानमन्त्री केपी शर्मा ओली तथा उहाँका कार्यकर्ताद्वारा अदालतको आदेशका विरुद्ध भ्रम तथा अफवाह फैलाउने उद्देश्यले अभिव्यक्त गरिएका ‘जहानियाँ राणा शासन शैली, प्रधानमन्त्री तोक्ने विश्वमा नभएको जात्रा, संविधान र जनतामाथि अतिक्रमण, अदालतद्वारा च्यातिएको/भत्किएको संविधान लिकमा नआएसम्म आन्दोलन कायम रहनेु लगायतका अन्य अति अशोभनीय आक्रामक शैलीप्रति यो बार क्षोभ प्रकट गर्दछ ।’
