जनकपुरधाम । प्रतिनिधिसभा सदस्यबाट पदमुक्त गरिएकी सरिता गिरीले अब आउने स्थानीय तहको निर्वाचनमा मेयर पदमा उम्मेदवारी दिने घोषणा गरेकी छन् । गिरीले आफू सिरहाको लहान नगरपालिकाको मेयर पदका लागि चुनाव लड्ने सामाजिक सञ्जाल फेशबुक मार्फत बताएकी हुन् ।
सामाजिक सञ्जाल फेसबुकमा स्टाटस लेख्दै उनले भनेकी छन्,‘म लहान नगरपालिकाको मेयर पदका लागि चुनाव लडने घोषणा गर्दछु । लहान नगरपालिकाको जनता मेयर मुनी साहबाट पीडित छन । उनको अधिनायकवादलाइ जनताले परास्त गर्ने छ । अब ५ वर्ष स्थानीय स्तरमा रही जनताको सेवा गर्ने छु ।’
