काठमाडौं । दुईदिनदेखी नेपाली बजारमा सुनको भाउ घटेको छ । अघिल्लो हप्ता दैनिक रुपमा बढीरहेको सुनको भाउ बुधबार र विहिबार भने घटेको हो ।
हिजो सात सय रुपैयाले घटेको सुनको भाउ आज विहिबार पनि सात सयले नै घटेको नेपाल सुनचाँदी व्यवसायी महासंघले जनाएको छ ।
बुधबार ९२ हजार ५०० रुपैयाँ कायम भएको सुनको मूल्य बिहीबार थप पुनः ७०० रुपैयाँले नै घट्दै ९१ हजार ८०० रुपैयाँमा झरेको हो ।
महासंघका अनुसार आज छापावाला सुन प्रतितोला ९१ हजार ८०० रुपैयाँ कायम भएको छ भने तेजाबी सुनको मूल्य ९१ हजार ३०० रुपैयाँ कायम भएको छ ।
तर, यता चाँदीको मूल्य भने गत हप्ता देखिको लगातार गिरावटको क्रम भङ्ग गर्दै बिहीबार प्रतितोला १० रुपैयाँले वृद्धि हुँदै एक हजार २७० रुपैयाँमा उक्लिएको महासंघले जनाएको छ ।
