नेपाल भारत सिमावर्ती क्षेत्रका पत्रकारद्वारा स्थापना गरिएको इन्डो नेपाल बोर्डर पत्रकार संघको आयोजनामा पत्रकारिता विकास सम्बन्धि अन्तर्कृया कार्यक्रम सम्पन्न भएको छ। भारत बिहारको पश्चिमी चम्पारणमा आयोजित पत्रकार अन्तर्कृया कार्यक्रममा नेपाल भारत सिमावर्ती क्षेत्रका डेढ दर्जन सन्चारकर्मिहरुको उपस्थिति रहेको थियो। पत्रकार भेटघाट कार्यक्रममा सिमाक्षेत्रमा हुने गैरकानुनी क्रियाकलाप, लागुऔषध रोकथाम लगायत मुद्दाहरुमा कार्यक्रम केन्द्रित रहेको भारत बिहार बगहाका वरिष्ठ पत्रकार माधवेन्द्र पाण्डेले जानकारी दिएका छन।
२०७५ सालमा स्थापना भएको इन्डो नेपाल बोर्डर पत्रकार संघमा आबद्ध नेपाल भारतका पत्रकारहरुको हकहित संरक्षण गर्दै स्थानीय मुद्दालाई पनि उजागर गर्ने उद्देश्यका साथ अगाडि बढ्ने अन्तर्कृया कार्यक्रममा बोल्ने पत्रकारहरुले जोड दिएका थिए । अन्तर्कृया कार्यक्रममा पत्रकारिता क्षेत्रमा लामो अनुभव बटुल्नु भएका घट्ना विचार साप्ताहिकका विशेष सम्वाददाता आर पि उपाध्याय लगायत चार भारतिय पत्रकारहरुलाइ कदरपत्र सहित सम्मान गरिएको थियो। इन्डो नेपाल बोर्डर पत्रकार संघका अध्यक्ष भारतीय पत्रकार कौशल किशोरको अध्यक्षतामा आयोजित कार्यक्रममा भारत बिहारका विभिन्न सञ्चार क्षेत्रमा कार्यरत पत्रकारहरुको सहभागिता रहेको पत्रकार नथ्थु शर्माले बताएका छन।
