असोज २३, कपिलबस्तु
कपिलबस्तु निर्माण व्यवसायी संघले नेपाल निर्माण व्यवसायी महासंघका पूर्व अध्यक्ष स्वर्गिय शरद कुमार गौचनको चौथो स्मृति सभा मनाइएको छ ।
स्वर्गिय गौचनको असोज २३ गते अज्ञात समुहले गोली हानेर हत्या गरेको थियो । त्यस बेला गौचन नेपाल निर्माण व्यवसायी संघका अध्यक्ष समेत रहेका थिए । गौचन शान्तिनगर स्थित आफनो निवासबाट अनामनगर स्थित गाडी चढेर महासंघ कार्यालय आउने क्रममा गौचन माथि गोली प्रहार भएको थियो ।
सो अवसरमा बोल्दै लुम्बिनी प्रदेशका उप महासचि दिनेश हमालले स्वर्गिय गौचनले निर्माण व्यवसायी प्रति पुर्याएको योगदान अतुलानिय रहेको बताए । नेपालका सम्पूर्ण निर्माण व्यवसायीहरुले स्वर्गिय गौचनको ऋणि रहेको र उहाको ऋण हामी कहिले पनि चुक्ता गर्न नसक्ने उनले बताए । देश निर्माणको काममा निर्माण व्यवसायीको महत्वपूर्ण भुमिका रहेको संघका अध्यक्ष गुन्जन कुमार गुप्ताले बताए ।
सभामा निर्माण व्यवसायी संघ लुम्बिनी प्रदेशका सदस्य रमेश मिश्र, पूर्व अध्यक्ष रवि ठाकुर, चन्द्र शेखर श्रेष्ठ, संघका कोषाध्यक्ष अशोक कुमार गुप्ता, पशुपति गुप्ता, मंदित सिंह लगायतले आ आफ्नो धारणा राखेका थिए । सभामा कपिलबस्तु निर्माण व्यवसायी संघका अध्यक्ष गुन्जन कुमार गुप्ताको अध्यक्षतामा भएको कार्यक्रमको सञ्चालन संघका महासचिव सरोज अर्यालले गरेका थिए ।
निर्माण व्यवसायी संगद्वारा स्वर्गिय गौचनको चौथो स्मृति सभा मनाइयो
