कपिलबस्तु, कार्तिक ११
जिल्लाको तौलिहवामा विषाधी विक्रेता, विउ विजन व्यवसायी र एग्रोभेट सञ्चालकहरु संग विषाधी प्रयोग सम्बन्धी अन्र्तक्रिया एवम् गोष्ठी कार्यक्रम सम्पन्न भएको छ ।
कार्यक्रमका प्रमुख अतिथि एवम् प्रमुख जिल्ला अधिकारी चक्रपाणि पाण्डेयले जाथाभावि रुपमा विषाधी विक्रि वितरण गरिरहेका एग्रोभेट तथा विउ विजन व्यवसायीलाई नियमन अनुगमन गर्नु पर्ने बताए । उनले विषाधिको प्रयोग सुरक्षित रुपमा गर्नु पर्ने सुझाव दिए ।
विषाधि खाएर मृत्यु हुने जनसंख्यालाई न्यूनिकरण गर्न र विषाधिको प्रयोग कस्तो मानसिकता भएका व्यक्तीले प्रयोग गर्नेको अवस्था पत्ता लगाउने उद्देश्यले कार्यक्रम गरिएको कृषि ज्ञान केन्द्रका प्रमुख डा रविन्द्रनाथ चौबेले बताए ।
कार्यक्रममा प्रहरी नायब उपरिक्षक धर्मराज भण्डारी, विषाधि विक्रेता, विउ विजन व्यवसायी र एग्रोभेट सञ्चालक लगायतको सहभागिता रहेको थियो ।
