कपिलबसतुको मायादेवी गाँउपालिका वडा नं. ४ चाकरचौडामा ९२ ग्राम ४२ मिलि ग्राम लागु औषध ब्राउन सुगर ( खैरो हेरोईन) सहित एक जनालाई प्रहरीले पक्राउ गरेको छ । पक्राउ पर्नेमा कपिलबस्तुको वाणगंगा नगरपालिका वडा नं.८ धनेशपुरका २७ वर्षिय विजय खत्री रहेका छन् ।
उहाँलाई गोप्य सूचनाको आधारमा सिमा प्रहरी चौकी चाकरचौडाबाट खटिईएको प्रहरी टोलीले चेकजांचको क्रममा पक्राउ गरिएको प्रहरी नायब उपरिक्षक धर्मराज भण्डारीले बताउनुभएको छ । पक्राउ परेका खत्रीले लगाएको भित्री वस्त्रभित्र कालो प्लाष्टिकको पोकोमा स–साना २२ वटा पोका लुकाई छिपाई राखेको अवस्थामा पक्राउ परेका छन् ।
उहाँले उक्त लागुऔषध भारतबाट नेपालतर्फ लिएर आइरहेका थिए । उहाँलाई पक्राउ गरी लागुऔषध मुद्धामा म्याद थप गरी अनुसन्धान भैरहेको प्रहरी नायब उपरिक्षक भण्डारीले बताउनुभयो ।
कपिलबस्तुमा लागुऔषध सहित एक पक्राउ
