कपिलवस्तु, २५ कार्तिक
कपिलवस्तुमा बुधबार अस्त्ाँउदो र विहिबार उदाउदो सुर्यलाई अर्घ दिई छठ पर्ब हर्ष उल्लासका साथ सम्पन्न गरिएको छ । जिल्लाको सदरमुकाम तौलिहवा स्थित नगरपालिकाको वडा नम्बर ३ जमुवार नदी लगायत जिल्लाको बाणगंगाको रामघाट नदी र कृष्णनगर सुरैया नदी र तालहरुमा अस्त्ाँउदो र उदाउदो सुर्यलाई अर्घ दिई छठ पर्व सम्पन्न गरिएको हो ।
अर्घ दिनु अघि नदि किनारामा पुजा स्थल निमार्ण गरि प्रशोधित सामाग्री प्रयोग नभएका प्राकृतिक फलफुल र पकवानहरु पिठो र गुड बाट बन्ने ठकुवा, चामलको पिठो र गुडबाट बन्ने भुसुवा, मैदा र गुडबाट बन्ने खजुरी लगायतका पकवानका सथै उखु, नरिवल, मुला, मेवा, भान्टा, सलिफा, केरा, बेसार तथा रुखै सँगको अदुवा लगायतका सामाग्री र फलफुलको प्रसाद राखी पुजागरिएको छ ।
गतवर्षहरुको तुलनामा कपिलवस्तुको सदरमुकाम तौलिहवामा छठ पर्व मनाउने महिलाहरुको संख्या बढ्दै गएको छ । विशेष गरी नेपालका पुर्वी तराई जिल्लाबाट वसाईसराई गरी आएका तथा जागीरका क्रममा कपिलवस्तुमा रहेका महिलाहरुबाट शुरु भएको यो पर्व विस्तारै यस क्षेत्रका मैथली, अवधी तथा पहाडी महिलाहरुले पनि धुमधामका साथ मनाउने गरेका छन् ।
दुई तिन बर्ष पहिला हाम्रो अवध समुदायमा छठ पर्व कमै मात्रामा मनाइन्थ्यो तर यो बर्ष छठ पर्व मनाउने महिलाहरुको संख्या बढ्दै गएको स्थानीय लक्ष्मी चौरसीयाले बताइन् । उहँंले भन्नुभयो “छठ पर्व प्रदेश नं. २ तिर धुमधामका साथ मनाइने गरिन्छ तर विगत केही बर्ष देखि कपिलबस्तुमा पनि हर्षोल्लासका साथ मनाइने गरिएको छ ।”
छठ पर्व बिभिन्न जात जातहिरुले एकैसाथ पर्व मनाउदा सांस्कृतिक आदान प्रदान समेत हुने स्थानिय सुमन अग्रहरीले बताइन् । बिशेष शुद्धासुद्धी, हर्ष– उल्लास, परिवार, मित्रहरु, आफन्तजनहरुसंग भेटघाटको अवसरका रुपमा समेत यो पर्व बन्दै गएको उहाँ बताउनुहुन्छ ।
बिशेष गरी पुर्वका मधेसी समुदायले मात्र अंगालिएको छठ पहाडी, नेवार, मधेसी, दलित , जनजाति लगायतमा समेत लोकप्रिय बन्दै गएको अधिकारकर्मी रवि ठाकुरले बताउनुभयो । उहाँले भन्नुभयो “यो पर्व एउटा सद्भावको प्रतिकको रुपमा परिचित हुदै गएको बताउनुभयो ।” अघिल्ला वर्षहरुको तुलनामा क्रमश छठ पर्व मनाउने महिलाहरुको संख्या बढ्दै गएको.उहांले बताउनुभयो ।
