कपिलबस्तु, मंसिर
कृषि ज्ञान केन्द्र कपिलबस्तुको आयोजनामा एग्रोभेट, विउ विजन तथा विषधी विक्रि वितरण गर्ने व्यवसायीहरुलाई अनुगमनमा तिब्रता दिएको छ । केन्द्रले कपिलबस्तु नगरपालिकाको १० र मायादेवी गाँउपालिकाको ४ वटा एग्रोभेट, विउ विजन तथा विषधी पसलहरुमा अनुगमन गरेको छ ।
अनुगमनको क्रममा अधिकंश पसलहरुमा मुल्य सुची नभएको, दर्ता प्रमाण पत्र नविकरण नभएको भेटिएको कृषि ज्ञान केन्द्रका प्रमुख डा रविन्द्रनाथ चौबेले बताए । उनले भने अहिले एक पटकको. लागि सुझाव सहित ३ महिना भित्र नियमानुसार सो पसल नियमसंगत सञ्चालन नगरे कडा भन्दा कडा कार्यवाही गरीने बताए ।
विषधी लगायत सामग्रीहरु विक्री वितरण गर्नको लागि ग्लोब्स,मास्क अनिवजार्य प्रयोग गर्नु पर्ने जिल्ला प्रसासनका कार्यालयका धनेश्वर पौडेलले बताउनुभयो । उनले भने हरेका पसलको अगाडी हात धुनको लागि अनिवार्य व्यवस्था गर्नुपर्ने बताए ।
अनुगमनमा कपिलबस्तु नगरपालिका कृषि शाखा प्रमुख भगवानदास गुप्ता, मायादेवी गाँउपालिका कृषि शाखाका प्रमुख रामविलास मौर्य, कृषि ज्ञान केन्द्रका विषधी निरिक्षक सत्यराम हरिजन, विउ निरिक्षक राम बहादुर यादव, ज्ञान केन्द्रका लवकुश प्रसाद कुर्मी, नेपाल प्रहरी, उद्योग वाणिज्य संघका प्रतिनिधि लगायतको सहभागिता रहेको थियो ।
कृषि ज्ञान केन्द्रद्वारा अनुगमनमा तिब्रता
