कपिलवस्तु : कपिलवस्तुमा ग्लोबल आईएमई बैंक लिमिटेडले वित्तीय साक्षरता तथा डिजिटल बैकिङ्ग सम्बन्धी कार्यक्रम सम्पन्न गरेको छ । बैंकले जिल्लाको बाणगंगा नगरपालिका वडा नं.७ बनगाईमा सो कार्यक्रम सम्पन्न गरेको हो । आधुनिक डिजिटल प्रविधिको युगमा कसरी सुरक्षित र भरपर्दो तरिकाले प्रयोग गर्ने भन्ने विषयमा चेतनामुलक कार्यक्रम भएको शाखा प्रबन्धक मनोज शर्माले बताए।
हेड अफिस बजार व्यवस्थापन प्रवद्र्धन प्रमुख शान्ता शिवाकोटाले बैंकले डिजिटल माध्यमवाट प्रदान गर्दै आएका सेवा, सुविधालाई प्रयोग गर्ने बारे प्रशिक्षित गर्नुभएको छ । प्रमुख शिवाकोटाले क्युआर सेवा, इन्टरनेट बैंकिङ, मोबाईल बैंकिङ, डेबिट कार्ड, क्रेडिट कार्ड सम्बन्धी जानकारी गराउनुभयो । यस्तै उहाँले अहिलेको समयमा मोबाइलमा लोभलालच देखाएर ठगी गर्नेहरुले खाता नं. र ओटिपी कोड माग्ने घटनाहरु भइरहेकाले यस्ता खालका घटना घट्न नदिन ओपिडी कोड, पासवर्ड, पिनकोड कसैलाई नदिन अनुरोध गर्नुभयो ।
साथै प्रिपेड र पोसपेड सिम चलाउने ग्राहकहरुले मोबाइल बैंकिङको ग्लोबल स्मार्ट एप चलाउदा निशुल्क इन्टरनेट सुविधा पाउने सेवा सुविधा पनि रहेको प्रशिक्षणको क्रममा बताईएको छ । कार्यक्रममा लुम्बिनी प्रदेश उपप्रमुख जोगलाल भूसाल, कार्यक्रममा हेड अफिस बजार व्यवस्थापन प्रवद्र्धन प्रमुख शान्ता शिवाकोटा लगायतको सहभागिता रहेको शखा प्रबन्धक शर्माले जानकारी दिए ।
