कपिलवस्तु ६ पुस
किशोरीहरुको सवाल सम्बोधनका लागि कपिलवस्तुको तौलिहवामा सरोकारवालाहरुको भुमिका बिषयक अन्तरक्रिया संपन्न गरिएको छ । केयर नेपालको सहयोग, कपिलवस्तु नगरपालिको समन्वय र ओरेका नेपालको आयोजनामा गरिएको बिषयमा किशोरीहरुको सवालका बिषयमा छलफल गरिएको थियो ।
सो अवसरमा किशोरीहरुको सवालहरु छिटो बिवाह, यौनिकता माथी नियन्त्रण, शिक्षाबाट बंचित, गतिशीलतामाथी नियन्त्रण, यौनजन्य हिंसा, लैंिगक बिभेद लगायतका किशोरीहरुको सवालका बिषयमा चर्चा गरिएको थियो । जिल्ला समन्वय समितिकी उप प्रमुख तारावती चौधरीले किशोरीहरुको सवालमा सबै सरोकारवाला गंभीर हुनु पर्ने बताईन । उनले किशोरीहरुलाई घर परिवार, समाजले प्रोत्साहीत हुने वातावरण निर्माण गर्नु पर्ने बताईन ।
बुद्धभुमी नगरपालिकाका उप प्रमुख मिरा थारुले किशोरी मंचले नगरपालिकासँग समन्वय गर्नु पर्ने बताईन । उनले किशोरीहरुको सवालमा सबैले साथ दिनु पर्ने बताइृन ।
कार्यक्रममा बोल्ने बक्ताहरुले बर्तमान अवस्थामा बाल बिवाह भन्दा पनि भागी बिवाहले बिकराल रुप धारण गरेको बताएका छन। उमेर नपुग्दै सानै उमेरमा आफु खुसि भागी बिवाह गर्दा किशोरीमा शारीरिक तथा मानसिक समस्या निम्तने भएकाले चिन्ता ब्यक्त गरेका छन । उनिहरुले मोबाईल तथा ईन्टरनेटले पनि बिसँगति ल्याएको बताएका छन ।
कार्यक्रममा विभिन्न संघ संस्थाका प्रतिनिधि र स्थानिय तहका जनप्रतिनिधि तथा प्रतिनिधिको सहभागिता रहेको थियो। कार्यक्रममा पालिका तथा संस्थाहरुका प्रतिनिधिहरुले किशारीहरु लक्षित गर्ने निति तथा कार्यक्रम प्रस्तुत गरका थिए। कार्यक्रममा किशोरी आधारित मंचकी शिला नेपालीले पंच बर्षिय रणनीतक योजना समेत पेश गरेकी थिईन ।
कार्यक्रममा नगरपालिकाका शिक्षा शाखाका प्रमुख हरि प्रसाद ज्ञवाली, सामजिक विकास अधिकृत पदमराज श्रेष्ठ, युएनएफपिएका जिल्ला सांयेजक चित्र महतो, गोबिन्द धवल, प्रहरी निरीक्षक बिजय कुमार सिंह, संगीता चौरसिया लगायतले मन्तब्य सहीत सुझाव दिएका थिए । कार्यक्रममा किशोरी किशोरी आधारित मंचलाई नगरपालिकाको सहयोगमा खरिद गरिएको डेल प्लाबटप शिक्ष शाखका प्रमुख ज्ञवाली र सामाजिक विकास अधिकृत श्रेष्ठले हस्तान्तरण गरेका थिए ।
किशोरीहरुको सवाल सम्बोधनका लागि सरोकारवालासंग अन्तरक्रिया
