नारद कोहार
कपिलबस्तु, पुस । कपिलबस्तुको तिन वटा विद्यालयमा नमुना सुचना केन्द्रको स्थापना गरिएको छ । जिल्लामा सञ्चालित बृहत यौनिकता शिक्षा परियोजना अन्तरगत सो केन्द्र स्थापना गरिएको हो ।
सो केन्द्र अस्ट्रेलिया सरकारको आर्थिक सहयोग र यूएन एफपिएको प्राविधिक सहयोगमा मेरी स्टोप्स् रिप्रोडेक्टीभ च्वाइस सुनौलो परिवार नेपालले बृहत यौनिकता शिक्षा परियोजनामा काम गर्दै आएको छ । कपिलबस्तुमा सञ्चालित १२ वटा किशोर किशोरी मैत्री सुचना केन्द्र मध्ये तिन वटा नमूना किशोर किशोरी मैत्री सुचना केन्द्र छनौट गरिएको हो ।
छनौट भएका तिलौराकोट माध्यमिक विद्यालय गोबरी, समयथान माध्यमिक विद्यालय शिवराज र माध्यमिक विद्यालय ठूलो नन्दनगर रहेका छन् । यी विद्यालयहरुमा रहेका किशोर किशोरी मैत्री सुचना केन्द्रलाई कार्यबिधी निर्देशिका अनुसार सम्पूर्ण सामाग्री प्रवन्ध गरेको छ । साथै सो कोठालाई आवश्यक मर्मत सम्भार गरेर सम्पुर्ण सामान साथ विद्यालयलाई पूर्ण रुपले विकशीत गरिएको किशोर किशोरी मैत्री सुचना केन्द्र हस्तान्तरण गरिएको हो ।
स्थापना गरिएका केन्द्रहरुको शिक्षा इकाइ र सम्बन्धीत पालिकाको शिक्षा स्तरबाट अनुगमन पनि गरिएको छ ।
परियोजना अन्तरगत कपिलवस्तुमा शिक्षा इकाई, स्वास्थ्य इकाई, जिल्ला समन्वय समिति, पालिकाको उप प्रमुख, सम्बन्धीत विद्यालयका शिक्षक, विद्यार्थीै एवंम् पालिकाको स्वास्थ्य प्रतिनिधि, शिक्षा स्तरका व्यक्तित्वहरु र अन्य सरोकारवालाको सहभागिता रहेको थियो ।
कपिलबस्तुको तिन विद्यालयमा नमुना सुचना केन्द्र स्थापना
