कपिलबस्तु, फागुन १ । समाजमा विद्यमान हानिकरक अभ्यासहरु बालविवाह, बहुविवाह, दाइजो प्रथा, वोक्सीको आरोपविरुद्ध अन्र्तक्रिया कार्यक्रम सम्पन्न भएको छ । कार्यक्रम राष्ट्रिय महिला आयोगको आयोजनामा भएको हो ।
समाजमा चेतनाको अभावका कारण विद्यामान रहेका बालविवाह, बहुविवाह, दाइजो प्रथा, वोक्सीको आरोप जस्ता समस्या देखा परेको राष्ट्रिय महिला आयोगका सदस्य विद्या कुमारी सिन्हाले बताउनुभएको छ । उहाँले भन्नुभयो समाजमा रहेका विद्यमान हानिकरक अभ्यासहरु कसरी समाधान गर्न सकिन्छ भन्ने उद्देश्यले कार्यक्रम गरिएको बताउनुभयो । बालविवाह, बहुविवाह, दाइजो प्रथा, वोक्सी आरोप जस्ता समास्यालाई समाधान गर्न सबैले एकजुट भएर लाग्नु पर्ने सदस्य सिन्हाले साझा न्यूजलाई बताउनुभयो ।
समाजमा सबैभन्दा हानिकरक अभ्यासहरु माध्ये दाइजो प्रथा सबै भन्दा चुनौतीको विषय रहेको कपिलबस्तुका प्रमुख जिल्ला अधिकारी चक्रपाणि पाण्डेले बताउनुभयो । जिल्लामा बाल विवाह र वहु विवाह जस्ता घटनाहरुमा केही कमी आएको उहाँले बताउनुभयो ।
समाजमा जति घटना घटेका पनि ति सबै कानुनी दयरामा नआएको कपिलबस्तु अदालतका श्रेस्तेदार सुमन पाण्डेले बताउनुभयो । गाँउ घरमा कुनै पनि यस्ता घटनाहरु भयो भने त्यसलाई गाँउटोलमा मेलमिलाप गरेर होइन त्यसलाई काननी दयरामा ल्याउनु पर्ने उहाँले बताउनुभयो । कपिलबस्तु जिल्ला अदालतमा आर्थिक बर्ष ०७८।०७९ को अहिले सम्म ४ वटा बाल विवाहका मुद्धा दायर भएको श्रेस्तेदार सुमन पाण्डेले बताउनुभयो । त्यस्तै आर्थिक बर्ष ०७८।०७९ मा ७ वटा बहु विवाहको मुद्धा दायर भएकोमा ५ वटा फैसला र २ वटा बाकी रहेको श्रेस्तेदार पाण्डेले बताउनुभयो ।
कार्यक्रममा विभिन्न स्थानिय निकायका न्यायिक समिति, राजनितिक दल, महिला, धर्मगुरु, विभिन्न संघ संस्थाको सहभागितामा कार्यक्रम गरिएको हो यो समाचार आजको साझा न्यूजमा प्रकाशित छ ।
समाजमा विद्यमान हानिकरक अभ्यासहरु विरुद्ध अन्र्तक्रिया
