सर्जिकल सेन्टरको सेवा बिस्तार गरी तौलिहवा आखा अस्पताल बनाईयो

कपिलवस्तु फागुन ४
तौलिहवा आखा उपचार सर्जिकल सेन्टरको सेवा बिस्तार गरी तौलिहवा आखा अस्पताल बनाइएको छ । लामो प्रयास पछि कपिलवस्तु नगरपालिका वडा नम्बर – ३ सिद्धार्थ टोल स्थित सर्जिकल सेन्टरलाई आखा अस्पतालको रुपमा सेवा बिस्तार गरिएको हो । अस्पताललाई सेकेन्डरी आखा अस्पतालकारुपमा बिकसित गरिएको हो । सो अवसरमा नेपाल नेत्रज्योति संघका लुम्बिनी प्रदेशका संयोजक सागरप्रताप राणाले सेवा बिस्तार भएको आखा अस्पताललाई टिकाई राख्न सबैले साथ दिनु पर्ने बताए । उनले श्रोत ब्यवस्थापनकालागि सबैको पहल आवश्यक रहेको उनले बताए । ‘ आखा अस्पतालकारुपमा सेवा बिस्तार गर्नु खुशीको कुरा हो, तर यसलाई टिकाई राख्न पनि सबैको साथ आवश्यक छ ’ उनले भने ।
सो अवसरमा डाक्टर ज्ञानेन्द्र लामिछानेले अब अस्पतालमा गुणत्मक सेवा दिन जरुरी रहेको बताए । उनले. अस्पतललाई टिकाइै राख्न श्रोतहरुको ब्वस्थापन गर्नु प्रमुख चुनौती रहेको बताए । तौलिहवा आखा अस्पताल नेपाल कै नमुना हुन सक्ने भन्दै उनले यसलाई जागाई राख्न सबैको साथ र पहल आवश्यक रहेको बताए । सकेन्डरी अस्पताल बनेसंगै अब तौलिहवा आखा अस्पतालमा आखाका डाक्टरले सेवा दिने छन । यस्तै अन्य कर्मचारी पनि राखिने संघका जिल्ला अध्यक्ष रमेश शर्माले बताए । सेकेन्डरी अस्पताल बनेसगै अब तौलिहवा आखा अस्पतालमा मोतिया बिन्दुको अप्रेशन सेवा दिनहु हुनेछन । रमेश शर्माको अध्यक्षतार मनोज कुमार श्रीवास्तवको सचालनमा भएको कार्यक्रममा संघका पुर्व अध्यक्ष गोपाल बहादुर सिंह, पत्रकार महासंघका जिल्ला अध्यक्ष किरणमान बज्राचार्य, कपिलवस्तु नगरपालिका वडा नम्बर ३ का अध्यक्ष प्रकाश गैरे, गुनाखर गैरे लगायतले शुभकामना मन्तब्य दिएका थिए ।