गुण नियन्त्रण कार्यालयद्वारा कपिलबस्तुमा बजार अनुगमन

कपिलबस्तु,फागुन १८ । जिल्लाको विभिन्न ठाँउमा खाद्य प्राविधि तथा गुण नियन्त्रण डिभिजन कार्यालयद्वारा बजार अनुगमन गरिएको छ ।
किरना पसलहरुमा अखाद्य बस्तु नबेच्न र होटल तथा चियानास्ता पसलमा सरसफाई बढाउनका साथै बजार नियन्त्रण गर्ने उद्देश्यले बजार अनुगमन गरिएको खाद्य प्राविधि तथा गुण नियन्त्रण डिभिजन कार्यालयका प्रमुख शिव शंकर मिश्रले बताउनुभयो ।
कार्यालयद्वारा कपिलबस्तुको चाकरचौडा, अभिराव र पकडीमा विभिन्न होटल किरना पसलमा अनुगमन गरिएको उहाँले बताउनुभयो । उहाँका अनुसार सो क्षेत्रमा एक दर्जन भन्दा बढी होटल, रेष्टुरेण्ट र किरना पसलमा अनुगमन गरिएको छ । अनुगमनका क्रममा म्याद नाघेका खाद्यवस्तुहरु सँगै लेबल नभएको वस्तुहरु फेला पारी जफत गरीएको प्रमुख मिश्रले बताउनुभयो ।
अनुगमनको क्रममा घरेलु तथा साना उद्योग कार्यालय कपिलबस्तुका विनय शैनी, मायादेवि गाँउपालिकाका अनिल कुमार चौधरी, पत्रकार, प्रहरी लगायतको सहभागिता रहेको थियो ।