-बबिता गिरी
आज नारी दिवस मार्च–८ तारीख फागुन २४ गते आजको दिनले लैगिंक समानताको बारेमा व्यापक पैरवी गर्छ । भनिन्छ आजको दिनले नारीविरुद्धका व्यवहार, हिंसा र असमानताबारे कडा प्रतिवाद गर्न नारीहरुलाई जागरुक बनाउँछ ।
आजको दिन विभिन्न ठाउँमा नारीका नाराहरु गुन्जीरहेका छन्, विशेष कार्यक्रमहरु हुदै छन् भने कतै ति कार्यक्रमहरुमा नारीको रक्षा,स्वतन्त्रता,समानता,र अधिकारका बारेमा पनि खुबै चर्का चर्का भाषण हुदै छन्।त्यस्ता भाषण जो समारोहमा तालिका लागी मात्रै हुन भन्न नसकिने वातावरण भने पक्कै छैन ।
मुलुकको सबै भन्दा उच्च पदमा राष्ट्रपति महिला आसिन हुनुहुन्छ केही वर्ष अघि त झन् प्रधानन्यायाधीश र सभामुख पनि महिला नै थिए । संसद र शासकीय संरचनामा पनि महिला उपस्थिति बढ्दो छ । तर पनि कमजोर कानुनी प्रावधान अनि नेपाली समाजको पैतृक लैङ्गिक संरचनाका कारण दैनिकजसोका समाचारमा महिला हिंसाका कैंयन घटना सार्वजनिक हुन्छन् । कति कानुनी उपचारको बाटोमा लाग्छन् भने कतिपय घटना समाजका अनेक मुखौटाबीच लुकाइन्छ, दबाइन्छ ।
मूलत; नेपाली समाजमा नारीलाई पुजिन्छ कहि धनकी देवी लक्ष्मीको रुपमा कहि विद्याकी देवी सरस्वतीको रुपमा भने कतै शक्तिकी देवी दुर्गाका रुपमा पुजिन्छ । तर हर दिन आफ्नो घरमा आठ (८) ओटा हात भएकी दुर्गा जस्तै बनेर परिवारका हरेक व्यक्तिको आवश्कताको ख्याल राख्ने त्यो नारीको भने कतिपयले सम्मान गर्न भने हिचकिचाउने गर्छन ।
यधपी हाम्रो समाजले आस्था राखेको हाम्रो धार्मिक एंव सांस्कृतिक मान्यताले ने महिला पुरुष विच ठूलो असमानताको खाडल खनेको तितो सत्य हामि सवैलाई अवगत नै छ ।
यहाँ अझै पनि यदि कुनै महिला आफ्नो हक र अधिकारको लागि आवाज उठाउँछे भने त्यहाँ सम्मर्थको कुरा त परै जाऔस उसको कुरा सुन्न पनि चाहादैनन् छोरी मान्छे बोले पोथि बासेको राम्रो हुदैन भन्दै समाजका बुद्धिजिवीहरुले आखा तर्न समेत भ्याउने गर्छन ।
