हाम्रो पँहुच परियोजनाको अनुगमन

साझा न्यूज । संवाददाता
तौलिहवा, चैत्र ९ । दलित समाजिक विकास केन्द्र र युनाइटेड मिशन टु नेपालको संयुक्त साझेदारीमा सञ्चालित हाम्रो पँहुच परियोजनाको संयुक्त अनुगमन गरिएको छ । परियोजनाद्धारा सञ्चालित कार्यक्रमको यशोधरा गाँउपालिकाको नदवा र सुल्तनवापुरमा अनुगमन गरिएको हो ।
अनुगमनमा यशोधरा गाँउपालिकाका लेखा अधिकृत निराजन लम्साल, सामाजिक विकास अधिकृत कृष्णनाथ पाण्डेय, योजना अधिकृत श्यामु यादव, इन्जिनियर चोलाकान्त रेग्मी, बलराम कोहार, हरी प्रसाद गिरी, शिक्षा अधिकृत धुब्र सेजुवाल, कृषि विकास शाखाका निरन्जन कुमार तिवारी, यशोधरा गाँउपालिका वडा नं. ६ का वडाध्यक्ष श्याम नारायण उपाध्याय, वडा नं. ७ का वडाध्यक्ष चन्द्र प्रकाश दुबे, दुलित समाजिक विकास केन्द्रका अध्यक्ष संजय कोरी, कार्यकारी निर्देशक रामशरण रैदास, युएम एनको परियोजना प्रमुख खिम भण्डारी, हाम्रो पहुँच परियोजनाको अधिकृत विन्दवासिनी हरिजन, रामकुमार महरा लगायतको सहभागिता रहेको थियो ।
यशोधरा गाँउपालिका वडा नं. ५ मा रहेको लक्ष्मि आत्मनिर्भर समुह उक्त टोलीले अनुगमन गरेको हो । अनुगमन टोलीले समुहको सामाजिक, आर्थिक र राजनैतिक अवस्थाको बारेमा जानकारी लिएको थियो ।
सोही क्रममा लक्ष्मि अत्मनिर्भर समुहकी सोना पासीले समुहमा अबद्धभएपछि हामीले आफ्नो परिचय, शिक्षा सम्बन्धि ज्ञान, व्यवसायीक तरकारी खेती, सरसफाई लगायतको बारेमा जानकारी भएको बताईन । सो समुहमा २३ जना महिलाहरु अबद्ध रहेको र साताको १० रुपैया बचत गरि रहेको केन्द्रका अध्यक्ष संजय कोरीले बताए । बचत भएको रकम समुह भित्रका कोही सदस्यलाई आवश्यक परेको बेला समुहका सदस्यलाई आवश्यकता अनुसार दिने गरिएको उहाँले बताए ।
परियोजनाद्धारा सञ्चालित विभिन्न समुहहरुलाई विभिन्न किसिमको आय आर्जन सम्बन्धि तालिम दिइदै आएको केन्द्रका कार्यकारी निर्देशक राम शरण रैदासले बताए । समुहका सहभागिहरुले हामीलाई व्यवसायीक तरकारी खेती गर्नको लागि सिचाँईको व्यवस्था गरिदिनु पर्ने माग यशोधरा गाँउपालिकासंग माग गरेका थिए ।