नवलपरासी । इलाका प्रहरी कार्यालय बेलाटारी पश्चिम नवलपरासीले लागू औषध सहित दुई भारतीय नागरिकलाई नियन्त्रणमा लिएको छ। प्रतापपुर गाउँपालिका ५ बैदौली स्थित गण्डक नहर छेउको बाटो बाट गुडिरहेको यु.पि.५६ ए.एन.३९४२ नम्बरको मोटरसाइकलमा शंकास्पद व्यक्तिलाई चेकजाँच गर्दा मोटरसाइकलको डिक्किबाट ठूलो परिमाणको लागु औषध बरामद भएको ईलाका प्रहरी कार्यालय बेलाटारीका प्रहरी निरीक्षक नवराज केसीले जानकारी दिएका छन।
मोटरसाइकलमा सवार भारतीय नागरिक महाराजगन्ज बस्ने वर्ष २० का भोलु चौहान र भारत गोरखपुर बस्ने वर्ष १९ का राकेश सहानीलाइ नियन्त्रणमा लिएको प्रहरीले बताएको छ। अभियुक्तहरुबाट डाइजापाम १७५ एमपुल , फेनारगन १७५ एमफुल र नोफेन नामक १७५ एमफुल गरि जम्मा ५२५ एमफुल बरामद गरिएको छ। लागू औषध सहित प्रहरीको नियन्त्रणमा परेका अवैधकर्मीहरुलाइ १५ दिनको म्याद थप गरि हिरासतमा राखिएको छ भने थप अनुसन्धान कार्य जारी रहेको प्रहरीले बताएको छ।
