–श्याम क्षेत्री, तौलिहवा
बैशाख ३० गते भएको स्थानीय तह निर्वाचन अन्तर्गत कपिलवस्तु नगरपालिकाको नतिजा सार्वजनिक भएको छ।
जस अन्तर्गत नगर प्रमुखमा जनता समाजवादी पार्टी नेपालको तर्फबाट सुदिप पौडेल निर्वाचित भएका छन् । पौडेलले ११ हजार ९०६ मत प्राप्त गरेका छन् । पौडेलले नेकपा एमालेबाट प्रमुखको उम्मेदवार बनेका डा. राजेश गुप्तालाई ३१२४ मत अन्तरले पराजित गर्दै विजयी भएका हुन् । गुप्ताले ८ हजार ७८२ मत पाएका छन् ।
त्यस्तै कपिलवस्तु नगरपालिकाको उपप्रमुखमा जसपा कै सुनिता गुप्ता निर्वाचित भएकी छन्। गुप्ताले ९ हजार ५७० मत प्राप्त गरि विजयी भएका हुन् । उनका निकटतम प्रतिस्पर्धी नेकपा एमालेकी तुलसा पाण्डेय गैरेले ९ हजार ३७९ मत प्राप्त गरेकी छिन् ।
