जैविक विविधता दिवसको अवसरमा हाजिरी जवाफ प्रतियोगिता

साझा न्यूज । तौलिहवा
अन्र्तराष्ट्रिय जैविक विविधता दिवस २२ मे २०२२ को अवसरमा अन्तर मावि स्तरीय हाजिरी जवाफ प्रतियोगिता सम्पन्न भएको छ । हाजिरी जवाफ प्रतियोगितामा कपिलबस्तु नगरपालिका भित्र रहेका सामुदायिक विद्यालयका ११ वटा विद्यालयको सहभागिता रहेको थियो ।
प्रतियोगितामा रात्न राज्य माध्यमिक विद्यालय प्रथम, यशोधरा माध्यमिक विद्यालय द्धितिय, तिलौराकोट माध्यमिक विद्यालय तेस्रो र बुद्ध पद्यम माध्यमिक विद्यालय चौथो भएका थिए । प्रतियोगितामा प्रथमलाई प्रमाण पत्र र नगद १५ हजार, द्धितियलाई प्रमाण पत्र र नगद १२ हजार, तेस्रो हुनेलाई प्रमाण पत्र र ९ हजार, चौथो हुनेलाई प्रमाण पत्र र नगद ६ हजार प्रदान गरिएको वन वातावरण तथा भूसंरक्षण मन्त्रालयका टुकलाल पाण्डेयले बताउनुभयो ।
सो अवसरमा बोल्दै डिभिजन वन कार्यालय कपिलबस्तुका प्रमुख विजयराज सुवेदीले मानिस, वनस्पती, पशुपन्छी, सूक्ष्म जीव आदीको भिन्न रुपहरूलाई नै जैविक विविधता हो । उहाँले पृथ्वीमा जति जिवजन्तुहरु छन् त्यसलाई मनिसले नै बच्ने अवस्था सिर्जना गर्नु पर्ने बताउनुभयो । हेर जिवजन्तु विच अन्तर सम्बन्ध रहेको उहाँले बताउनुभयो ।
कार्यक्रम डिभिजन बन कार्यालय कपिलबस्तुको सहयोग वन वातावरण तथा भूसंरक्षण मन्त्रालय लुम्बिनी प्रदेशको आयोजनामा भएको हो । कार्यक्रममा तौलेश्वर नाथ मावि, मावि कुश्म, तिलौराकोट मावि, शितला बक्स मावि, धर्मभक्त मावि, यशोधरा मावि, बुद्ध पद्यम मावि, रात्न राज्य मावि, कोटीग्राम मावि, विकुली राष्ट्रिय मावि र भगवानदास माध्यमिक विद्यालय लगायतको सहभागिता रहेको थियो । कार्यक्रममा वन अधिकृत मदन मोहन श्यन्डील लगायतको सहभागिता रहेको थियो ।