आरपी उपाध्याय
गण्डक नदी नियन्त्रण संघर्ष समिति पश्चिम नवलपरासीको आयोजनामा गण्डक कमाण्ड क्षेत्र अन्र्तगतका जननिर्वाचित प्रतिनिधिहरुलाई सम्मान तथा शुभकामना आदान प्रदान कार्यक्रम सुस्ताको विग्यापमा शुक्रबार सम्पन्न भएको छ । सोही अवसरमा संघर्ष समितिले बर्षायाम सुरु भए देखी गण्डक नदी तटिय क्षेत्र बासीले भोग्दै आएको बाढि, पहिरो, डुबान तथा कटान जस्ता समस्याको समयमै समाधान गर्न सुस्ता गाउपालिकाका अध्यक्ष टेक नरायण उपाध्यायको ध्यानाकर्षण गराएको छ ।
गण्डक नदी नियन्त्रण संघर्ष समितिका जिल्ला अध्यक्ष दुधनाथ गुप्ताको अध्यक्षता तथा सुस्ता गाउपालिकाका अध्यक्ष टेक नारायण उपाध्यायको प्रमुख आतिथ्यतामा सम्पन्न भएको कार्यक्रममा बोल्दै प्रमुख अतिथि गण्डक पिडितहरुद्धारा उठाइएको माग पुरा गर्न सुस्ता गाउपालिका पुर्ण प्रतिबद्ध रहने बताउदै बाढि डुबान रकटान रोक्नको लाग नेपाल सरकार र भारत सरकार समक्ष दिर्घकालिन योजवना माग गर्ने पनि बताउनुभयो । सो अवसरमा बोल्दै प्रतापपुर गाउपालिकाका अध्यक्ष उमेश चन्द्र यादवले नागरिक संग प्रत्यक्ष सरोकार राखेको बाढि डुबान तथा कटान समस्या समाधान गर्ने कार्य संघर्ष समितिले खेलेको भुमिका प्रसंनिय रहेको धारणा राख्नुभयो । कार्यक्रममा संघर्ष समितिका प्रवक्ता बृज कुश्वजाहाले कार्यक्रमको उदेश्य माथि प्रकाश पार्नुभएको थियो । २०६३ सालमा स्थापना भएको गण्डक नदी संघर्ष समिति पश्चिम नवलपरासीले २१ बुंदे माग सहित पानी रोक्ने आन्दोलन गरेर पुरा भएका अधिकांश माग हाल सम्म पनि भारतिय पक्षले पुरा नगरेको जानकारी गराइएको थियो । कार्यक्रममा गण्डक कमाण्ड क्षेत्रका अध्यक्ष, उपाध्यक्ष सहित १८ वटा वडाका वडाध्यक्षहरुको उपस्थिती रहेको थियो । सो अवजसरमा ईन्द्रेणी समाजिक विकास मञ्च पञ्चनगरका कार्यकारी अध्यक्ष बद्री प्रसाद सुवेदी, विनयी त्रिबेणी गाउपालिका वडा नम्बर ६ का वडाध्यक्ष नुरेन्द्र शाह, संघर्ष समितिका उपाध्यक्ष के.बी. थापा लगाएतका वक्ताहरुले गण्डक पिडितहरुले भोग्दै आएको समस्याहरुबारे जानकारी गराउनुभएको कार्यक्रम सञ्चालक शैलेन्द्र प्रसाद शर्माले जानकारी दिनुभएको छ
