पुर्वि नवलपरासिको दुम्कीबासमा आयोजित एक कार्यक्रममा बोल्ने बक्ताहरुले सडक दुर्घटना न्युनिकरण , लागु औषध दुर्व्यसनि कार्य नियन्त्रण गर्न विधालय र समुदाय केन्द्धित जनचेतना मुलक कार्यक्रम गर्नुपर्ने सुझाव दिएका थिए । उनिहरुले सुरक्षाकर्मिको बोलि बचन शिष्ट र नम्र हुनुपर्ने, ठाउँठाउमा बढि सवारी चेक जाचँ हुदा नागरिकले बढि सास्ती पाएकोले विधि सम्मत ढङ्गबाट कुनै एक वा दुइ ठाउँमा चेकजाचँको व्यवस्था हुनुपर्ने कुरामा जोड दिएका थिए । जिल्ला प्रहरी कार्यलय पुर्वि नवलपरासिको आयोजना तथा इलाका प्रहरी कार्यलय दुम्कीबासको समन्वयमा सन्चालन भएको नागरिक सुनवाई कार्यक्रममा सुझाव दिनेहरुले उक्त धारणा राखेका हुन । जिल्ला प्रहरी कार्यालय नवलपुरका प्रमुख एवम प्रहरी उपरीक्षक प्रज्जवल मर्हजनको अध्यक्षतामा कार्यक्रम सम्पन्न भएको हो ।
सो अवसरमा उपरिक्षक मर्हजनले नागरिकले उठाएको जिज्ञासा सान्दर्भिक रहेको धारणा राख्दै प्रहरी सेवालाई भरपर्दो र विश्वासिलो ढंगबाट लागु गर्न सबै पक्षको सहयोगको आवश्यकता रहेको जिकिर गर्नुभयो । नागरिक सुनवाई कार्यक्रममा प्रमुख जिल्ला अधिकारी सुमन घिमिरेले जिल्ला प्रशासन कार्यालयबाट दिइने सेवा सुविधा नागरिक केन्द्रीत रहने धारणा राख्दै विनयी त्रिवेणी गाउपालिका वडा न.६र ७ का जनताहरुलाई सेवा र सुविधा लिन घन्टौको यात्रा गरी कावसोति पुग्नु पर्ने बाध्यताको अन्त्य गर्न आफनो स्तरबाट गरिने पहल जारी राखेको बताउनुभयो । कार्यकममा विनयी त्रिवेणी गाउपालिका अध्यक्ष घनश्याम गिरि र पालिका अन्तर्गतका राजनितिक दलका प्रतिनिधि, संघ संस्थाका प्रतिनिधि ,नागरिक समाजका अगुवा जननिर्वाचित प्रतिनिधि, राष्ट्रसेवक कर्मचारी , शिक्षक ,प्रध्यापक लगायत आम सर्वसाधरणको उपस्थिति रहेको इलाका प्रहरी कार्यलय दुम्कीबासका प्रहरी निरिक्षक रामनारायण गुप्ताले जानकारी दिनुभयोे ।
