कपिलवस्तुको यशोधरा गाउपालिकाको आगामी आर्थिक बर्ष २०७९÷७० कोे बजेट ६१ करोड ७८ लाख बजेट अनुमानित बजेट पेश गरिएको छ। गाउपालिकाको दशै गाउ सभाको दोश्रो बैठकमा बजेट तथा कार्यक्रम सार्वजनिकीकरण कार्यक्रममा सो पेश गरिएको हो। उप मेयर गुन्जादेबी मौर्यको आदेशानुसार प्रमुख प्रशासकीय अधिकृत तेज बहादुर सिंहले सभामा बजेट र कार्यक्रम प्रस्तुत गर्नु भएको थियो। बजेटमा गुणस्तरीय शिक्षा, स्वास्थ्य पुर्वाधार विकास कृषि क्षेत्रको आधुनिकरण, डिजीटल सेवामा समुदायको पहुच गुणस्तरीय सार्वजनिक सेवामा जोड दिइएको छ।
आगामी आर्थिक बर्ष गाउपालिकामा क्याम्पस संचालनकालागि डिपिएआर निर्माण गर्न १५ लाख, गाउपालिकामा एउटा स्मार्ट बिद्यालय बनाउन ८० लाख, मर्यादपुरमा पार्किङ स्थल बनाउन ३० लाख, मर्यादपुर बजारमा सार्वजनिक शौचालय बनाउन १० लाख भाषा तथा सांस्कृतिक प्रबद्र्धनमा २५ लाख आधारभुत अस्पताल संचालनकालागि १ करोड १२ बजेट बिनियोजन गरिएको छ।
सो अवसरमा सांसद बृजेश कुमार गुप्ताले बृक्षारोपण, पानसमा दीप प्रज्जवलन पछि ब्यानर पढेर कार्यक्रमको उदघाटन गरेका थि। सो अवसरमा उहाले बजेटको ठीकढंगले कार्यान्वयन हुुन पर्नेमा जोड दिनु भयो। उहाँले पछि परेको गाउपालिकाको विकासमा बजेट तथा कार्यक्रम केन्द्रित गरिनु पर्ने बताउनु भयो।
सो अवसरमा ल्म्बिनी प्रदेश सदस्य धरम बहादुर लाल श्रीवस्तवले बजेट तथा कार्यक्रम जनमुखी भएको बताउनु भयो। उनले यसको कार्यान्वयमा सबैले चासो दिनु पर्ने बताउनु भयो। सो अवसरमा गाउपालिका गाउपालिका प्रमुख शिवदयाल तिवारीले बजेट तथा कार्यक्रम गाउपालिकाको विकासमा केन्द्रित रहने बताउनु भयो। उहाँले गाउपालिको विकासमा सबैले सहयोग गर्नु पर्ने बताउनु भयो। सभाले बजेतथा तथा आर्थिक तथा बिनियोजन बिधेयक पास गरेको छ।
