सवारी दुर्घटनामा परी दुई जनाको मृत्यु

तौलिहवा, साउन ४ गते । कपिलबस्तुमा सवारी दुर्घटनामा परी दुई जनाको मृत्यु भएको छ ।
जिल्लाको बुद्धभुमी नगरपालिका ९ चम्पापुर स्थित पुर्व पश्चिम राजमार्गमा पुर्वबाट पश्चिम तर्फ जादै गरेको बसले बिपरित दिशाबाट आउदै गरेको मोटरसाईकललाई ठक्कर दिदा मोटरसाईकल चालकको मृत्यु भएको प्रहरीले जनाएको छ । मृत्यु हुने दाङ तुल्सिपुर उप–महानगरपालीका–९ बस्ने बर्ष ३० को सुसिल के.सी.रहेको प्रहरी नायब उपरिक्षक जेशी शाहले बताउनुभयो । गम्भिर घाईते भई जिल्ला अस्पताल तौलिहवा कपिलबस्तुमा उपचारको क्रममा केसीको मृत्यु भएको उहाँले बताउनुभयो । बस र बस चालक प्रहरीको नियन्त्रणमा रहेको प्रहरीले जनाएको छ ।
साथै जिल्लाको बाणगंगा नगरपालिका १० भावपुर स्थित मेचकुरी पिपरा भित्री सडक खण्डमा पिपराबाट मेचकुरी तर्फ जादै गरेको भ्यानको ठक्करबाट एक बालिकाको मृत्यु भएको छ । मृत्यु हुनेमा सोही स्थानका यमलाल पौडेलको छोरी वर्ष ९ की एन्जला पौडेल बाटो काट्ने क्रममा उक्त भ्यानले ठक्कर दिएको प्रहरीले जनाएको छ । ठक्करबाट घाईते भएकी बालिकाको लुम्विनी प्रादेशिक अस्पताल बुटवलमा उपचारको क्रममा मृत्यु भएको प्रहरी नायब उपरिक्षक जेशी शाहले बताउनुभयो । भ्यान र भ्यान चालकलाई ईप्रका वुटवलको प्रहरीले नियन्त्रणमा रहेको छ ।