-कविकिरण न्यौपाने/जापान
बेला बखतमा जानापनमा नेपालीहरुको कृयाकलापले नेपाल र नेपाली प्रतिको गरिमा घट्दैं गएकोमा धेरैको चिन्ता बढेको छ। जापानमा ज्ञान अनि धन आर्जन गर्न आएका हामी एक आपसमा झगडा गर्दै हिड्छौँ भने जापान आउनुको अर्थ नै के रहन्छ र। अझ आफ्नो सन्तानका सुन्दर भविश्यको लागी ठूलो रकम ऋण, धन गरेरे पठाएका अभिभावकहरुले आफ्ना छोराछोरा बिदेशमा यस्तो गतिविधीमा लाग्दा कस्तो महशुस गर्लान ? सबैको लागी सोचनिय बिषय बनेको छ। गत सनिवार नागोमामा रहेको देउराली रेष्टुरेन्ट एण्ड वारको बार्षिक उत्सवको विषेश कार्यक्रम आयोजना गरिएको थियो। उक्त अवशरमा कलाकार सहित धेरैलाई आमन्त्ररण गरिएको थियो ।
कार्यक्रम चलिरहदा गिफुबाट आएका नेपाली ग्रुप र नागोयाका युवाहरु बिच झडप भएको प्रत्यक्षदर्शीले बताए । पछि फेरी नागोयाकै युवाहरु बिच रक्स्याम्मै हुने गरि मारामार भएको बताइएको छ। जस्का कारण दर्जनौं घाईते भएका छन्। एकको अवस्था गम्भिर रहेको छ। झगडा छुट्टाउने क्रममा उनि माथीनै प्रहार भएको बताइएको छ। रेष्टुरेन्ट संचालकले भने झगडा रेष्टुरेन्ट बाहिर भएको बताएका छन्। नेपालमा आफन्तहरुलाई अझ चिन्ता हुने हुदाँ घाईतेको नाम सार्वजनिक नगर्न जापानमा घाइतेका आफन्तहरुले आग्रह गरेका छन्।
उक्त गम्भिर विरामीलाई भेट्न अस्पताल गएका एनआरएनए आईसिसि सदस्य दिपक कार्कीका अनुसार बुधवार यौट्टा अप्रेशन भएको बताए। चिकित्सकका अनुसार फेरी अर्को अप्रेशन गर्न पर्ने बताईएको छ। यस्तो प्रकृतिको घटनाले नेपालीको शिर निहुरिन परेको उनको तर्क छ। नेपालीको यस्तो गतिविधीले जापानमा नेपालीका लागी भनेर खोलिएका संघ -संस्थाको लागी थप चुनौती थपिएको सञ्चारकर्मी समेत रहेका स्याङ्जा समाज नागोयाका अध्यक्ष निशान रानाले बताए। यो घटना लाई सबैले गम्भिर रुपले लिन पर्ने उनि बताउँछन । घटनाको अनुसन्धान भई रहेको बताईएको छ।
