साझा न्यूज । तौलिहवा
तौलिहवा, साउन १० गते । सार्बजनिक विदामा सरकारी सवारी साधन चलाउनमा जिल्लाको यशोधरा गाँउपालिकाले रोक लगाएको छ । सरकारी गाडी दुरुपयोगको धेरै गुनासो आएको भन्दै अनुमति नलिइ विदाको दिन गाडी नचलाउन पत्र मार्फत गाँउपालिकाले आग्रह गरेको हो ।
गाँउपालिकाले जनप्रतिनिधि ज्यू, शाखा।इकाइ प्रमुख ज्यू, वडा सचिव तथा अन्य कार्मचारीहरुले कार्यालयको कामकाजको लागि प्रयोग गर्नु भएको सरकारी सवारी साधन सर्वजानिक विदाको दिन नप्रयोग गर्न जानकारी दिएको पालीकाका अध्यक्ष शिवदयाल तिवारीले बताउनुभयो ।
सार्वजनिक विदाको दिनमा सरकारी सवारी साधन प्रयोग गर्नु परेमा जिल्ला प्रशासन कार्यालयबाट अनुमति लिइ मात्र प्रयोग गर्नु पर्ने गाँउपालिकाका प्रमुख प्रशासकिय अधिकृत तेज बहादुर सिंहले बताउनुभयो ।
सार्बजनिक विदामा सरकारी सवारी साधन चलाउनमा रोक
