नव नियुक्त पदाधिकारीको पदभार ग्रहण र खेलाडीहरुको सम्मान

कपिलवस्तु १२ साउन
कपिलवस्तुको तौलिहवा स्थित कभर्ड हलमा जिल्ला खेलकुद विकास समितिका नव नियुक्त पदाधिकारीको पदभार ग्रहण र खेलाडीहरुको सम्मान गरिएको छ । समितिका नव नियुक्त अध्यक्ष राजेश उपाध्याय सहीतका समितिका पदाधिकारी र सदस्यहरुलाई स्वागत र सम्मानित गरिएको थियो ।
सांसद अभिषेक प्रताप शाह, पुर्व राष्ट्रिय सभाका सदस्य दीर्घ नारायण पाण्डेय, बुद्धभुमी नगरपालिकाका मेयर केशव कुमार श्रेष्ठ, कपिलवस्तु नगरपालिका मेयर सुदीप पौडेल लगायतका टोलीले नव नियुक्त समितिका अध्यक्ष सहीतलाई स्वागत गरेका थिए ।
सो अवसरमा १२ औ राष्ट्रिय राष्ट्रपति रनिङ शील्ड, प्रदेश स्तरीय खेल , स्थ्रेन्त लिफ्टीङमा उत्कृष्ठ भएका खेलाडीलाई समेत सम्मानित गरिएको थियो । सो अवसरमा सांसद शाहले खेल र खेलाडीलाई ३ वटै तहका सरकारले प्राथमिकता दिनु पर्ने बताए । उनले आफुले जिल्ला मै अन्र्राष्ट्रिय स्तरको रंगशाला निर्माणकोलागि पहल गर्ने बताए । उनले खेल र खलाडीको विकासकालागि आफुले सक्दो सहयोग गर्ने प्रतिबद्धता ब्यक्त गरे ।
सो अवसरमा राष्ट्रिय सभाका पुर्व सदस्य दीर्घ नारायण पाण्डेयले खलाडीलाई सबैले बिशेष स्थान दिनु पर्ने बताए । सो अवसरमा मेयर केशव कुमार श्रेष्ठले आफनो पालिकाले खेल क्षेत्रलाई सधै प्राथमिकतामा राखेको बताए । उनले नगर भित्र २ वटा कभर्ड हल निर्माण गरिएको भन्दै खेल क्षेत्रको विकासको गति अझ बढाउने बताए । कपिलवस्तु नगरपालिकाका मेयर सुदीप पौडेलले केही दिन अघि संपन्न भएका प्रतियोगीतामा उत्कृष्ठ भएका खेलाडीलाई जनही ३१ सयका दरले नगद पुरस्कार दिने घोषणा गरे । उनले नगरपालिका कै लगानीमा कभर्ड हलको अघि थप एउटा ब्याडमिन्टन कोर्ड निर्माण गर्ने बताए । उनले खेल क्षेत्रको विकासमा नगरपालिकाले सक्दो लगानी गर्ने बताए ।
सो अवसरमा राष्ट्रिय राष्ट्रपति रनिङ शील्डमा लङजम्फमा स्वर्ण पदक जितको सुदीप थारु, रिलेमा स्वर्ण जितेका तुलसी थारु , करातेमा उत्कृठ भएका प्रशासन्त पुन मगर, भलिवल खेलाडी बुनु आले, सुर्य विक दिपेश कुमार तथा स्ट्रन्थ लिफुटीङका प्रथम भएका ज्ञानेन्द्र प्रसाद कसौधनलाई प्रशंसा पत्रले सम्मानित गरिएको थियो ।
यस्तै समितका अध्यक्ष राजेश उपाध्याय, उपाध्यक्ष गोबिन्द चौधरी, कोषाध्यक्ष राकेशमणि त्रिपाठी, तथा सदस्यहरु रिषीकेश श्रेष्ठ, अनन्ता न्यौपाने, बासु घिमिरे, सरोज कुमार सेन, माया बिश्वकर्मा, र प्रदीप जससवाललाई स्वागत गरिएको थियो ।
समितिका अध्यक्ष उपाध्यायको अध्यक्षता र सचिव मीन प्रसाद पोख्रेलको संचालनमा भएको कार्यक्रममा राजेश शाक्य, मीन राज बेल्बासे लगायतले. मन्तब्य दिएका थिए । कार्यक्रममा युवा नेताहरु राजशे ज्ञवाली, गंगा बिष्ट प्रशान्त कार्की लगायतको सहभागीता थियो । कार्यक्रम लगत्तै अध्यक्ष उपाध्यायले पदभारग्रहण गरेका थिए ।