भुसंरक्षण दिवसको अवसरमा पुर्वी नवलपरासी विनयी त्रिवेणी गाउँपालिका अन्तर्गत नारायणी गण्डकी माध्यमिक विधालय त्रिवेणीको आयोजनामा वृक्षारोपण कार्यक्रम सम्पन्न गरिएको छ । वातावरण बचाउने र हरियालि बढाउने उदेश्यका साथ विध्यालयको स्वामित्वमा रहेको १५ कठ्ठा जग्गामा एक कार्यक्रमका बिच विध्यालय ब्यवस्थापन समितिका अध्यक्ष चिरन्जीवि ढुंगानाको अध्यक्षतामा कार्यक्रम सम्पन्न भएको हो । वृक्षारोपण कार्यक्रममा विभिन्न ३०० को सङ्ख्यामा फलफुलका बिरुवा लगाइएको विध्यालयका प्रध्यानाध्यापक दिनेश कुमार पाण्डेले जानकारी दिनु भएको छ ।
नेपाली सेना, नेपाल प्रहरी, सशस्त्र प्रहरी बलका स्थानिय जनशक्ति, जनप्रतिनिधि , समाजसेवि र विधालय ब्यवस्थापन समितिका पदाधिकारीहरुको उपस्थितिमा लगाईएको विरुवाहरुमा दसहरी , आम्रपालि , कागति , तेजपात लगायतका विरुवा लगाईएको विध्यालय ब्यवस्थापन समितिका सदस्य सामा सुनारले बताउनु भएको छ । सो अवसरमा वृक्षारोपण कार्यक्रमको सुरुवात गदै विनयी त्रिवेणी गाउँपालिका अध्यक्ष घनश्याम गिरीले गाउँपालिकालाई सुन्दर हराभरा बनाउन वृक्षरोपण कार्यक्रम फलदायी रहने बताउँदै लगाइएको बिरुवा संरक्षण गर्न सम्पुर्ण आयोजक वर्गहरुको ध्यान पुग्नुपर्ने धारणा राखेका थिए । स्वच्छ वातावरण हरित मैत्रि विध्यालय , हाम्रो विध्यालयको अभियान , स्वस्थ जीवन र गुणस्तरीय शिक्षा हामी सबैको पहिचान भन्ने मुल नाराका साथ आयोजना गरिएको वृक्षारोपण कार्यक्रमले विध्यालयको सुन्दरता बढाउने र भविष्यमा उत्पादन हुने फलफुलबाट विध्यालय सबल हुने विस्वास गरिएको छ । प्रथम चरणको वृक्षारोपण कार्य समाप्ति पश्चात दोस्रो चरणको वृक्षारोपण कार्यमा सिसौ ,जामुन, टिक, बकैना जातका बिरुवा लगाइने विध्यालयले जानकारी दिएको छ । कार्यक्रममा विनयी त्रिवेणी गाउँपालिका का प्रमुख प्रशासकीय अधिकृत दिनेश कुमार गौड, प्राज्ञिक व्यक्तित्व सत्यदेव पाण्डे, गजेन्द्र मोक्षधाम विकास समितिका अध्यक्ष कृष्णाप्रपन्नाचार्यको पनि उपस्थिति रहेको थियो।
