जनता समाजवादी पार्टीले पर्सामा पार्टीको निर्णय विपरीत उम्मेदवारी दिएका केन्द्रीय सदस्य सहित ७ जनालाई कारबाही गरेको छ ।
केन्द्रीय सदस्य सदस्य करिमा बेगमसहित ७ जनालाई पार्टीबाट निष्कासन गरिएको जिल्ला अध्यक्ष रामनरेश यादवले जानकारी दिए ।
पार्टीबाट निष्कासनमा पर्ने अन्य नेताहरूमा प्रदेश समिति सदस्य जन्नत अन्सारी, प्रदेश परिषद् सदस्य शिवकुमार साह, प्रदेश सदस्य गौरीशङ्कर साह, युवा नेताहरू मुकेश कुमार द्विवेदी, रुपेशमान सिंह र प्रमोद जयसवाल छन् ।
उनीहरूले एमाले-जसपा गठबन्धनको निर्णय विपरीत पर्साका विभिन्न निर्वाचन क्षेत्रमा अर्को पार्टीबाट तथा स्वतन्त्र तर्फबाट प्रदेश सभा सदस्यमा उम्मेदवारी दिएका छन् ।
पार्टीको साधारण सदस्य समेत नरहने गरी उनीहरूलाई कारबाही गरिएको अध्यक्ष यादवले बताए ।
वेगमले पर्सा क्षेत्र नं २ (ख), अन्सारीले क्षेत्र नं १ (क), द्विवेदी र सिंहले पनि क्षेत्र नं २ (ख), जयसवालले क्षेत्र नं ३ (क) बाट उम्मेदवारी दिएका छन् । नेपाल सुशासन पार्टीमा गई शिवकुमार र गौरीशङ्कर साहले क्रमशः क्षेत्र नं ३ (क) र ३ (ख) बाट उम्मेदवारी दिएका छन् ।
