रोजगारको सिलसिलामा जापानमा रहेकी बुटवलकी श्रद्धा श्रेष्ठको उपचारमा सहयोग गर्न परिवारले अपिल गरेका छन । ब्रेन ट्युमर भएर जापानको चिबा स्थित टोक्यो डेन्टल कलेज ईचिकावा जेनेरल अस्पताल सुगानोमा उपचार भईरहेको ३३ वर्षिय श्रेष्ठको थप उपचारका लागि आर्थिक अभाव भएपछि परिवारबाट सहयोगको अपिल गरेका हुन । सिद्धार्थनगर वडा नं. ९ बस्ने श्री सुशान्त खनालकी बिवाहलगतै पाच वर्षअघि उनि जापान पुगेकी थिइन । जीवनका सुन्दर सपना बोकेर जापानमा दुबैले राम्रो मेहनतमा गरे । सामान्य बिरामी पर्दा चिकित्सकसंग सल्लाह पनि गर्थे । उनिहरुको एक ४ वर्षिय छोरी छ ।
पहिलेबाट श्वासप्रस्वासको समस्या रहेकी पछिल्लो ३ महिनामा उनलाई एक्कासी समस्या देखियो । उनी कहिलेकाही घाटी दुख्ने, सामान्य ज्वरो जस्ता समस्यालाई सामान्य लिने गरेकी थिएन । यस्तैमा पछिल्लो वर्ष उनी घाटीसंगै आवाज बस्ने जस्ता समस्या देखिएपछि उपचार गरिन । उपचारबाट स्वस्थ्यमा सुधार नभएपछि उनको सिटि स्क्यान र थप जाच भयो । परिक्षणमा उनलाई ब्रेन ट्युमर देखियो । दुई पटक टाउको, पेटको र घाटीको गरि ५ पटक उनको शल्यक्रिया गरिएको छ । थेरापी उपचार भैरहेको उनको उपचारमा हालसम्म ६० लाख रुपैया खर्च भएको श्रीमान सुशान्त खनालले बताए । अझै यही रकम बराबर खर्च हुने उपचारमा संलग्न चिकित्सकबाट जानकारी आएको उनको दाबी छ ।
