तीजमा तडकभडक र खर्चिलो कार्यक्रम गर्नेलाई कारवाही

तौलिहवा, भदौ १७ गते । कपिलबस्तु जिल्ला प्रशासन कार्यलयले तीजलाई लक्ष्ति गर्दै तडकभडक पूर्ण कार्यक्रम नगर्न अनुरोध गरेको छ । शुक्रबार सुचना जारी गर्दै प्रजिअ शंकरहरि आचार्यले तीजमा परम्परा, सामाजिक रीतिरिवाजलाई निरन्तरता दिने तथा सम्र्बद्धन गर्ने बाहेकका कार्यक्रम नगर्न अनुरोध गर्नुभएको हो ।
विगत केही बर्ष यता तीज पर्व मनाउने नाममा अत्यन्त खर्चिला तथा तडक भडक कार्यक्रम गर्ने प्रबृत्तिका कारण विभिन्न विकृति विसंगति एवम् सामाजिक अपराधलाई प्रोत्साहन पुगेका प्रशासन कार्यालयले जारी गरेको सुचनामा उल्लेख छ । तिजको अवसरमा सार्वजनिक स्थल, पार्टी प्यालेस, लगायतका अन्य स्थानहरुमा कानून विपरित रकम संकलन गर्ने उद्देश्यले मेला, महोत्सव आयोजना नगर्नु हुन प्रशासनले निर्देशन समेत दिइएको छ ।
प्रशासनले जारी गरेको सूचनामा कसैले सूचना विपरीत गरे–गराएमा प्रचलित कानुन बमोजिम कारबाही हुने उल्लेख गरिएको छ । हिन्दु महिलाको पर्व हरितालिका तीज यो वर्ष असोज १ गते परेको छ । तीज आउनु एक, डेढ महिना अघि नै दरका नाममा भोजभतेर भइरहेका छन् । हरितालिका तीज व्रतको अघिल्लो दिन दर खाने चलन छ ।  यो समाचार आजको साझा न्यूज पत्रिकामा प्रकाशित छ ।