महिला बालबालिका तथा ज्येष्ठ नागरिक मन्त्री तथा कांग्रेस लुम्बिनी प्रदेश महामन्त्री सुरेन्द्र आचार्यले नयाँ उदय भएका पार्टीहरु बर्खाको भेल जस्तै भएको भन्दै तिनीहरू आफै सुखेर जाने बताएका छन्।
कुनै पनि पार्टीको नाम इन्कित नगरी उनले नयाँ जन्मिएका पार्टी कुलो जस्तै भएको संज्ञा दिँदै आफै सुखेर जाने बताए। कपिलवस्तु नगरपालिका वडा नम्बर ६ स्थित सिएली भवनमा कार्यकर्ताहरुसंगको भेटघाटमा उनले सो कुरा बताएका हुन। ठुला पार्टीको कमजोरीले गर्दा अहिलेको अवस्था आएको भन्दै त्यो धेरै दिन सम्म नटिक्ने बताए।
‘नयाँ उदय भएको पार्टी बर्खाको भेल जस्तै हो कुलो जस्तै सुकेर जान्छन्’ उनले भने।
उनले लामो इतिहास बोकेको कांग्रेस पार्टीले नै देशको समस्या समाधान गर्ने दाबी गरे। वर्तमान दाहाल नेतृत्वको सरकारले ठिकै काम गरिरहेको र आउने २०८४ को निर्वचन पनि कांग्रेस कै नेतृत्वमा हुने उनले बताए।
उनले कपिलवस्तुमा नयाँ परियोजना लागु हुने चरणमा रहेको र यसले रोजगारी सुज्ना गर्ने बताए। उनले महिलालाई समेत आयआर्जनमा सरिक गराई सशक्तीकरण गर्ने आफ्नो योजना रहेको उनको भनाइ थियो।
उनले कपिलवस्तुमा सकुम्बासी समस्याकालागि आफूले पहल गरेको र नापी भएकाहरूले चाडै नै लालपुर्जा पाउने बताए। उनले सडक, नाली, सिचाई, बिद्यतुीकरणकालागि आफूले सक्दो प्रयास गरेको दाबी गरे। उनले बाल उद्यान निर्माणकालागि कपिलवस्तु नगरपालिकामा बजेट विनियोजन गरेको सुनाए।
कपिलवस्तुका कुनै पनि सरकारी कार्यालयमा दुःख दिने, पैसा माग्ने गरेमा आफूलाई तत्काल खबर गर्न उनले आग्रह गरे। उनले कपिलवस्तु अस्पतालमा छिट्टै मिर्गौला रोगीलाई लक्षित गरी डाइलासिस सेवा समेत सुरु हुने बताए।
कांग्रेस कमजोर भए मुलुकको राजनीति समेत अन्तै मोडिने उनको भनाइ थियो। उनले कांग्रसका कार्यकर्ता र नेता एकजुट भएर जिम्मेवार बन्नु पर्नेमा जोड दिए। कांग्रेस आफनै कारणले कमजोर बनेको उनको तर्क थियो।
यसै बिच मन्त्री आचार्यले कपिलवस्तु नगरपालिका तौलिहवा बजार वडा नम्बर ४ गोदाहा चोक तथा तौलिहवा स्थित पार्टी कार्यालय तौलिहवा बजारमा कार्यकर्ताहरुसंग भेटघाट गरेका थिए। यस्तै मन्त्री आचार्य तौलिहवा आँखा अस्पतालमा समेत पुगेको थिए। सो अवसरमा उनले आँखा अस्पतालको भौतिक र पूर्वाधार विकासमा आफूले सक्दो पहल गर्ने प्रतिबद्धता व्यक्त गरे।
नेपाल नेत्र ज्योति संघ कपिलवस्तुका अध्यक्ष मनोज कुमार श्रीवास्तवले आँखा अस्पतालकाले दिने सेवा उपलब्धि, समस्या चुनौती लगायतका विषयमा अवगत गराएका थिए।
