कपिलबस्तुमा मोहम्मद जयन्ती धुम धामका साथ मनाइयो

तौलिहवा, असोज ११ गते । कपिलबस्तुमा इस्लाम धर्मका प्रवर्तक हजरत मोहम्मदको १४९८ औं जन्मोत्सव अर्थात् ‘मोहम्मद जयन्ती’ धुमधामका साथ मनाइएको छ । उक्त पर्वका अवसरम मुस्लिम समुदायले ¥याली निकाल्नुका साथै मस्जिदमा कुरान पाठ गर्ने, हजरत मोहम्मदका उपदेश स्मरण गर्ने, सामूहिक भोजन गर्ने र एक अर्कामा शुभकामना साटासाट गर्ने प्रचलन छ ।
हजरत मोहम्मदको जन्म इस्लामी पात्रो हिजरी संवतको रवि अव्वल महिनामा साउदी अरबको मक्कामा बिबी आमिनाको कोखबाट भएको हो । उहाँको निधन ६३ वर्षको उमेरमा साउदी कै मदिनामा भएको थियो । मोहम्मद जयन्तीलाई ईद मिलादुनन बी र १२ रबि अव्वल पनि भन्ने गरिन्छ ।
नेपाली मुस्लिम समुदायले यस पर्वलाई मोहम्मद डे भनेर पनि मनाउने गरेका मुश्लिम अगुवा मोहम्मद जाहिद खाँले बताउँछन् । मोहम्मद दिवसको दिन इस्लाम धर्मावलम्बीहरुले खुशी व्यक्तगर्दै मोहम्मदका विभिन्न नारा घन्काउँदै ¥याली निकालेका छन् । मोहम्मद दिवसले मुस्लिम समुदायलाई एकताको सूत्रमा बाँध्नुका साथै भाइ चारा कायम रहने जन विश्वास रहेको छ ।
मोहम्मद डेका अवसरमा मुस्लिम समुदायहरु गरिब तथा विपन्न, असक्त, अनाथलाई दान दिने, घर–आँगन सरसफाई गर्ने, घरमा इस्लामिक झण्डा फहराउने, दिप–प्रज्ज्वलन गर्ने लगायत क्रियाकलाप गरेको मुस्लिम गुरु नजिर अहमद मुसालमानले बताउनुभयो ।
जिल्लाका बिभिन्न स्थानबाट सदरमुकाम तौहिलवा आएका इस्लाम धर्मावलम्बीहरुले बाजा गाँजा र हरियो झण्डा सहित तौलिहवाको बसपार्क, नयाँटोल, गौढी चौक, भिक्षु चौक, महिता, जिल्ला प्रशासन चौक हुदै नगर परिक्रमा गरेका थिए । जिल्लाको कृष्णनगर, चन्द्रौटा, महाराजगंज, पकडी लगायतकका ठाँउमा जन्म जयन्ती मनाइएको छ । सो अवसरमा कपिलबस्तुका स्थानिय तहहरुले स्थानिय विदा समेत दिएका थिए ।