साझा न्यूज । मर्चवार
रुपन्देहीको कोटहीमाई गाँउपालिकाले सबै कार्यालयमा सूचना अधिकारी तोक्न निर्देशन दिइएको छ ।
गांउपालिकाले पालिका भित्रका वडा कार्यालय, सामुदायिक तथा धार्मिक बिद्यालय, स्वास्थ्य चौकीहरुबाट सेवा प्रवाह र संस्थाको गतिविधिका जानकारीको लागि सुचना अधिकारी तोक्न निर्देशन दिइएको प्रमुख प्रशासकिय अधिकृत गोविन्द भट्टराईले बताउनुभयो ।
पालिकाको हरेक कार्यालयबाट यथार्थ सूचना दिने प्रयोजनको लागि सूचनाको हक सम्बन्धी ऐन २०६४ को दफा ६ र सूचनाको हक सम्बन्धी नियमावली. २०६५ को नियम २४ (क) बमोजिम सूचना अधिकारी तोक्ने निर्देशन दिइएका उहाँले बताउनुभयो ।
साथै कार्यालयहरुले तोकिएको सूचना अधिकारीको फोटो सहितको विवरण सबैले देख्न सक्ने स्थानमा राख्न बताइएको छ ।
